काठमाडौं (हाम्रो खेलकुद) – तेस्रो संस्करणको रुस्लान धनगढी प्रिमियर लिग (डिपिएल) टी–२० क्रिकेट प्रतियोगिताका लागि २ सय ५ जना खेलाडीले अक्सनमा आफ्नो नाम दर्ता गराएका छन् । खेलाडीलाई नाम दर्ता गर्ने अवधि पुष १७ गतेसम्म रहेको थियो ।
तेस्रो संस्करणको अक्सनमा सहभागिता जनाउन कुल २ सय ५ खेलाडीले आफ्नो नाम दर्ता गराएको धनगढी क्रिकेट एकेडेमीका अध्यक्ष सुवास शाहिले हाम्रो खेलकुदलाई जानकारी दिएका छन् । यसपटक प्रतियोगितामा खेलाडीले आफ्नो बेस प्राइस (न्युनतम मूल्य) आफैं तोक्ने प्रावधान रहेको छ । खेलाडीहरुले आफ्नो बेस प्रेस ३० हजार देखी २ लाख ५० हजार सम्म निर्धारण गर्न सक्नेछन् ।
अक्सन आगामी शनिबार काठमाडौंको होटल अन्नपूर्णमा हुदैँ छ । डीपीएल माघ २६ देखी फागुन ११ गते सम्म धनगढीको फाप्ला क्रिकेट मैदानमा चल्ने छ । गत संस्करणको डीपीएलको उपाधि धनगढी टिम चौराहाले काठमाडौं गोल्डनेन्सलाई २१ रनले पराजित गर्दै जितेको थियो ।
यसपटक राष्ट्रिय टोलीका कप्तान पारस खड्काले धनगढी प्रिमियर लिग खेल्ने छैनन् । उनले पारीवारिक व्यस्तताका कारण डीपीएल खेल्न नसक्ने जानकारी दिएका छन् ।
