5 years ago
January 4, 2019
काठमाडौं (हाम्रो खेलकुद)– नेपाली राष्ट्रिय क्रिकेट टोलीका पूर्व कप्तान एलबी क्षेत्रीको संस्मरण एलबी क्षेत्री कप्तान १९९८ शुक्रबार राजधानीमा विमोचन भएको छ । क्रियटिभ बुक्सले प्रकाशन गरेको पुस्तक कमलादीस्थित प्रज्ञा प्रतिष्ठानको डबलीमा एक समारोहबीच सार्वजनिक गरिएको हो । क्रियटिभ बुक्सको पाँचौं प्रकाशन ‘कप्तान १९९८’ को बजार मूल्य ४ सय २५ रुपैयाँ तोकिएको छ । खेलकुद विधामा […]
काठमाडौं (हाम्रो खेलकुद)– नेपाली राष्ट्रिय क्रिकेट टोलीका पूर्व कप्तान एलबी क्षेत्रीको संस्मरण एलबी क्षेत्री कप्तान १९९८ शुक्रबार राजधानीमा विमोचन भएको छ । क्रियटिभ बुक्सले प्रकाशन गरेको पुस्तक कमलादीस्थित प्रज्ञा प्रतिष्ठानको डबलीमा एक समारोहबीच सार्वजनिक गरिएको हो ।
क्रियटिभ बुक्सको पाँचौं प्रकाशन ‘कप्तान १९९८’ को बजार मूल्य ४ सय २५ रुपैयाँ तोकिएको छ । खेलकुद विधामा दोस्रो पुस्तक प्रकाशन गरेको क्रियटिभ बुक्सले यसअघि ओलम्पियन सुरेन्द्र हमालको आत्मकथा सार्वजनिक गरको थियो । नेपालले सन् १९९६ देखि औपचारिक रुपमा आधिकारिक अन्तर्राष्ट्रिय क्रिकेट प्रतियोगिता खेल्न थालेको हो । पहिलो राष्ट्रिय टोलीको उपकप्तान क्षेत्रीले सन् १९९८ मा नेपालमा भएको दोस्रो एसीसी कप क्रिकेट प्रतियोगितामा कप्तानी सम्हालेका थिए ।
विमोचन समारोहमा नेपाली राष्ट्रिय क्रिकेट टोलीका पूर्वकप्तानहरु उत्तम कर्माचार्य, पवन अग्रवाल, विनोद दास तथा महिला क्रिकेट टोलीकी पूर्व कप्तान निरा राजोपाध्यायले उपस्थित थिए । नेपाल क्रिकेट संघ (क्यान) का पूर्व अध्यक्ष विनयराज पाण्डे, साहित्यकार नयनराज पाण्डे, बुक्सका अध्यक्ष टिएस ठकुरी, नेपाल खेलकुद पत्रकार मंचका अध्यक्ष महेश आचार्य, नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) का अध्यक्ष दिपक श्रेष्ठ लगायतले कार्यक्रममा शुभकामना मन्तव्य दिएका थिए ।
पुस्तकमा नेपाली क्रिकेटको इतिहास, समकालिन क्रिकेटरको संघर्षको कथा समेटिएको क्रियटिभ बुक्सका अध्यक्ष टीएस ठकुरीले बताए । पत्रकार कुमार श्रेष्ठसँगको सहलेखनमा क्षेत्रीले आफ्नो आत्मसंस्मरण लेखेका हुन् । क्षेत्रीले नेपालमा महिला क्रिकेटको अवधारणासहित सुरुवात, विकास र बिस्तारको नेतृत्व गरेका थिए । उनकै नेतृत्वमा कोहलपुरमा अन्तर्राष्ट्रिय क्रिकेट मैदान निर्माणको पहल भएको थियो । अन्तर्राष्ट्रिय क्रिकेट खेल्न सुरु गरेको दुई दशक पुरा हुँदा नेपाली पुरुष टोलीले एक दिवसिय मान्यता प्राप्त गरेको छ ।
भारतको कोलकातामा क्रिकेट सिकेका क्षेत्रीले कोलकातामा ए डिभिजन क्रिकेट खेलेर नेपाल फर्किएका थिए । नेपालमा जिल्ला, क्षेत्र हुँदै उनले राष्ट्रिय प्रतियोगिता खेले । खेल जीवनपछि नेपाल क्रिकेट संघ (क्यान) को केन्द्रिय सदस्य तथा मध्यपश्चिमको क्षेत्रीय अध्यक्षको जिम्मेवारीमा लिएका क्षेत्रीको अगुवाइमा सुरु भएको महिला क्रिकेटको कथा पनि पुस्तकमा समावेश गरिएको बताइएको छ ।
नेपाली क्रिकेटमा देखिएको चरम विवाद, राजनैतिक हस्तक्षेप, आइसीसीको निलम्बन र अब समाधानको उपायका सम्बन्धमा पनि उनको पुस्तकमा पढ्न पाइने जनाएको छ । यतिबेला अन्तर्राष्ट्रिय क्रिकेट परिषद(आइसीसी)ले नेपाली क्रिकेटको विवाद समाधानका लागि बनाएको स्वतन्त्र समुहमा नेपाल सरकारको तर्फदेखि उनी सदस्यका हैसियतमा क्रियाशील छन् ।
कोहलपुर नगरपालिका १० शान्तिटोलका स्थायी निवासी क्षेत्री श्रीमति, एक छोरा र छोरीका साथ बिभिन्न सामाजिक कार्यमा पनि संलग्न छन् । प्राध्यापन पेशामा रहेका क्षेत्रीको यो पुस्तक नेपाली खेलकुदका लागि कोसेढुङ्गा सावित हुने अपेक्षा क्रिएटिभ बुक्सले लिएको छ ।
विमोचन समारोहका तस्बिरहरु :
April 19, 2024
मस्कट (हाम्रो खेलकुद) – एसीसी प्रिमियर कपको उपाधि रक्षा लक्ष्य सहित ओमान आएको नेपाली क्रिकेट टोलीले आज सेमिफाइनलमा चिर प्रतिद्वन्दी (संयुक्त अरब इमिरेट्स) युएईको सामना गर्दैछ। खेल नेपाली समयअनुसार बिहान ११:४५ बजे सुरु हुनेछ। नेपाल समूह एको विजेता र युएई समूह ‘बी’ को उपविजेताको रुपमा सेमिफाइनल पुगेको थियो।भएको छ । गत संस्करणको फाइनलमा भिडेका यी दुई […]
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]