एजेन्सी – विश्व चर्चित इन्डियन प्रिमियर लिग (आईपीएल)–२०१९ भारतमै हुने भएको छ । भारतीय क्रिकेट बोर्ड (बिसिसिआई) ले मंगलबार एक प्रेस विज्ञप्ति जारी गर्दै भारतमा हुने प्रष्ट पारेको छ ।
यसअघि भारतमा हुन लागेको लोकसभा चुनाव कारण यस सिजनको आईपीएल भारत बाहिर हुन सक्ने बताउँदै आएको थियो । एकदिवसिय विश्वकप कारण यस पटक आईपीएल २३ मार्च देखी सुरु हुने छ । यद्यपी पुुरा खेल तालिका भने सार्वजनिक भएको छैन ।
प्रतियोगितामा दिल्ली क्यापिटल्स, सनराईजर्स हैदरावाद, रोयल च्यालेन्चर बेङ्लोर, किंग्स इलाभेन पञ्जाव, कोलकता नाइट राईडर्स, चेन्नइ सुपर किंग्स, मुम्बई इन्डियनस, राजस्थान रोयल्स गरि आईपीएलमा ८ फेन्चाइज टोली छन् । गत संकरणको उपाधि चेन्नई सुपर किंग्सले जितेको थियो ।
