काठमाडौं (हाम्रो खेलकुद)– आक्रामक ब्याट्सम्यान विनोद भण्डारीले शानदार शतक प्रहार गरेपछि इनरुवामा जारी मनमोहन एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले कर्णाली प्रदेशलाई २ सय ४९ रनकोफराकिलो अन्तरले पराजित गरेको छ ।
विनोदले ६५ बलमा १३ चौका र ३ छक्का प्रहार गर्दै १ सय ३ रन जोडे । त्यस्तै युवा खेलाडी भिम सार्कीले १ सय १० बलमा ७ चौका र १ छक्का प्रहार गर्दै ९६ रन जोडे । सार्की शतक बनाउन मात्र ४ रनले चुक्न पुगेका थिए । आर्मीका विक्रम सोब ३५ र हरिकृष्ण झाले ४० रन जोडे । कर्णालीका लागि युवराज केसिले ३,चन्द्र बिसि र दिवान पुनले समान २र२ विकेट लिदा प्रकास जैसी र राज कुमार साहलेको नाममा समान १ विकेट रह्यो ।
जवाफमा ३ सय १५ रनको लक्ष्य पक्ष्याएको कर्णाली २६ औं ओभरमा ६५ रनमा अल आउट भयो । उसका लागी निश्चत महत २७ र टेक सलामीले १६ रन बनाउन बाहेक अन्य कुनै पनि ब्याट्सम्यानले सम्झन योग्य प्रर्दशन गर्न सकेनन् । आर्मीका लागि कुशल मल्लले ४,साहव आलमले ३,विक्रम शोव र हरि चौरानले समान एक विकेट लिए ।
