काठमाडौं – नेपालसँग हुने तीन ओडीआईको लागि संयुक्त अरब एमिरेट्स क्रिकेट बोर्ड (यूएई) ले १६ सदस्य टोली घोषणा गरेको छ । घोषणा गरेको टोलीमा मोहम्मद नाविदलाई कप्तानको जिम्मा दिएको छ ।
इमर्जिङ्स टिम्स एसिया कप दौरान सामाजिक सञ्जाल ट्विटरमा पाकिस्तानमा पाएको सेवा सुविधा बारे टिका टिप्पणी गरेको भन्दै यूएई क्रिकेट बोर्डले कप्तान रोहन मुस्तफा,अहमद राजा र रमीज शहजादलाई गत पुस ५ मा ८ हप्ताको प्रतिबन्ध लगाएको थियो । जस्को कारण नेपालसँगको ओडीआई सिरीजको लागि नाविदलाई कप्तानी दिएको हो । नाविद नेपाली खेलाडीसँग राम्रोसँग परिचित अनुहार हुन् ।
नाविदले तेस्रो संस्करणको एभरेष्ट प्रिमियर लिगमा भैरहवा ग्ल्याडियटर्स र पोखरा प्रिमियर लिगमा पोखरा पल्टनबाट खेलेका थिए । नाविदले पोखराबाट प्रतियोगिताको उपाधि जित्दा भैरहवाबाट भने उपविजेतामा सिमित भए । दुवै प्रतियोगितामा उनले उत्कृष्ट प्रदर्शन गरेका थिए ।
नेपालले २५ जनवरीमा पहिलो,२६ मा दोस्रो र २८ जनवरीमा तेस्रो वान डे युएईको घरेलु मैदान आईसीसी एक्याडेमी दुबईमा सिरिज खेल्नेछ । ट्वान्टी–२० अन्तर्राष्ट्रिय सिरिज भने ३१ जनवरी देखि ३ फेब्रुअरीसम्म चल्नेछ । जस्को लागि युएईले नयाँ टोली घोषणा गर्ने छ । उता युएई १६ सदस्य टोली घोषणा गर्दा यता नेपालले बल्ल बन्द्र प्रशिक्षण थालेको छ ।
युएई टिम :
मोहम्मद नाविद(कप्तान), मोहम्मद उस्मान(उपकप्तान), चिराग सुरी, अशफाक अहमद, मोहम्मद बुटा, शाइमन अनवार, गुलाम शब्बर, इमरान हैदर, ताहिर मुगल, अमिर हयात, जहूर खान, कदीर अहमद, फहद नवाज, अब्दुल शकूर, सुल्तान अहमद, सी.पी.रिजवान ।
