एडिलेड (एजेन्सी)– भारत र अस्ट्रेलियाबीचको दोस्रो वान डे खेल मंगलबार एडिलेडमा हुँदैछ । खेल नेपाली समय अनुसार बिहान ९ः५ देखि सुरु हुने छ ।
पहिलो खेलमा ३४ रनले विजयी भएको अस्ट्रेलिया दोस्रो खेलमा पनि जित निकाल्दै तीन वान डे सिरिज अन्तिम खल अघि नै जित्ने दाउमा हुनेछ । अर्को तिर पहिलो खेलमा गुमाएको भारत भारत सिरिज जोगाउने सम्भावनालाई जिवित राख्न जित्दै पर्ने दबाबका बीच मैदान पुग्नेछ ।
यदि अस्ट्रेलियाले दोस्रो खेल जितेमा सन् २०१७ पछि पहिलो वान डे सिरीज जित्ने छ । २०१७ यता अस्ट्रेलियाले कुनै वान डे सिरीज जितेको छैन । २०१८ मा तत्कालिन कप्तान स्टिभ स्मिथ र उप कप्तान डेविड वार्नर बल टेम्परिङ काण्डका कारण एक वर्षे प्रतिबन्धमा परेपछि अस्ट्रेलियाले १३ वान डे मध्ये २ खेल मात्र जितेको थियो ।
भारतले जिते अस्ट्रेलिया भूमिमा दोहोरो उपाधि जित्दै इतिहास रच्ने छ । भारतले यसअघि २–१ ले टेस्ट सिरिज जितेको छ । भारतले पहिलो पटक अस्ट्रेलियामा टेस्ट सिरिज जितेको हो ।
दोस्रो खेलमा भारतीय टोलीमा खेलाडी परिवर्तन हुन सक्ने संभावन छ । पहिलो खेलमा खासै राम्रो प्रर्दशन गर्न नसकेका दिनेश कार्तिकको स्थानमा केदार जादव र खलिल अमिदको ठाउँमा स्पिनर युजवेन्द्र चाहल टिममा पर्ने संभावना छ । भारतलाई मध्यकर्ममा ब्याटिङले सताइरहेको छ ।
ओपनर रोहित शर्मा, शिखर धवन र कप्तान विराट कोहली बाहेक अन्य खेलाडीको प्रर्दशन पछिल्लो एक वर्षमा राम्रो प्रदर्शन गर्न सकेका छैनन् । भारतको धरेै जितमा यी तिन खेलाडीको प्रर्दशननै निर्णायक रहदै आएको छ ।
अस्ट्रेलियाली टोलीमा पिटर सिडलको स्थानमा बिली स्टानलेकले अवसर पाउने सम्भावना छ । कप्तान आरोन फिन्चको प्रर्दशन पनि अस्ट्रेलियालाई चिन्ताको विषय बनेको छ । फिन्चले पछिल्लो २५ इनिङसमा दुई पटक मात्र मात्र ५० रन कटाएका छन् ।
पहिलो खेलमा सानदार प्रर्दशन गरेका झेय रिचर्डसन, पिटर ह्यान्डकम्व,जेसन बेहरेनड्रोफ, मार्कस स्टोइस, शन मार्श, एलेक्स करी, उस्मान खवाजाको प्रर्दशनमा घरेलु टोली निर्भर रहने छ ।
भारतीय टोली – विराट कोहली (कप्तान),रोहित शर्मा, शिखर धवन,अम्बाती रायडू,दिनेश कार्तिक,केदार जाधव,महेन्द्रसिंह धोनी,कुलदिप यादव,युजवेन्द्र चाहल,रविन्द्र जडेजा,भुवनेश्वर कुमार,विजय शंकर,खलील अहमद,मोहम्मद शमी र मोहम्मद सिराज
अस्ट्रेलियाली टोली –आरोन फिन्च (कप्तान), एलेक्स करी,उस्मान ख्वाजा,शन मार्श,पिटर हैन्ड्सकोम्ब,मार्कस स्टोइनिस,ग्लेन म्याक्सवेल,नाथन लियान,पिटर सिडल,झेय रिचर्डसन ,मिचेल मार्श,बिली स्टानलेक,एस्टोन टर्नर,एडम जाम्पा,जेसन बेहरेनडोर्फ
