एजेन्सी – थाईल्यान्डमा जारी महिला टी–२० स्मास क्रिकेट प्रतियोगिताको सेमिफाइनल खेलमा नेपालले इन्डोनेसियालाई १ सय २० रनको लक्ष्य दिएको छ ।
तेर्थई क्रिकेट मैदानमा बुधबार नेपालले टस हारेर ब्याटिङ थालेको नेपालले निर्धारित २० ओभरमा ३ विकेटको क्षतिमा १ सय १९ रन बनायो । नेपालका लागि ओपनर सिता राना मगरले ६२ बलमा १ चौका प्रहार गर्दै ४८ रन बटुलिन् । त्यस्तै इन्दु बर्माले ३३ बलमा २ चौका प्रहार गर्दै ३७ रनमा नट आउट रहिन् ।
काजल श्रेष्ठ १४ र नेरी थापाले ५ रन जोडे । पहिलो विकेटका लागि काजल श्रेष्ठ र सिताले ३१ तथा दोस्रो विकेटका लागि सिता र इन्दु बर्माले ७० रनको साझेदारी गरेपछि नेपालले बलियो योगफल तयार पारेको हो ।
नेपालले समुह चरणमा चीन, यूएई,मलेसिया र थाइल्यान्ड ए लाई पराजित गर्दै समुह विजेताको सेमिफाइनलमा प्रवेश गरेको थियो । त्यस्तै अर्को सेमिफाइनल खेलमा थाइल्यान्ड र यूएई खेल्दै छन् ।
