‘सचिन र अफ्रिदीको रेकर्ड तोडेको थाहा थिएन’

सुबास हुमागाईं, दुबई

यूएईसँग दोस्रो ओडीआईमा अर्धशतक प्रहार गरेसँगै नेपाली युवा ब्याट्समयान रोहित कुमार पौडेलले भारतीय क्रिकेटका पूर्वकप्तान सचिन तेन्दुल्कर र पाकिस्तानका पूर्वकप्तान शाहिद अफ्रिदी रेकर्ड तोडेका छन् ।

रोहितले कम उमेरमा अर्ध शतक बनाउने रेकर्ड तोडेका हुन् । रोहितले आज ५७ बलमा ७ चौका प्रहार गर्दै ५५ रन बनाए । अर्धशतक प्रहार गरेको दिन रोहितको उमेर १६ वर्ष १ सय ४६ दिन रहेको छ । यसअघि सचिनले टेस्टमा १६ वर्ष २ सय १३ दिन र अफ्रिदीले १६ वर्ष २ सय १७ दिनको हुँदा अर्ध शतक प्रहार गरेका थिए ।

रोहितले रेकर्ड तोड्दा कस्तो लागेको छ प्रश्न गर्दा भने आफूलाई त्यसबारे केहि थाहा नभएको बताए । ‘मैले यसबारे भर्खर सुन्दै छु । यो सपनाजस्तो लागिरहेको छ । यस्तो रेकर्ड आफ्नो नाम गर्छु भनेर सोचेको पनि थिइन् । एकदमै खुसी छु,’ उनले भने ।

रोहितले पछिल्लो दुई वर्ष आफ्नो प्रदर्शन राम्रो भएपनि नियमित रुपमा रन जोड्न प्रयास गरिरहेको बताए । ‘ मैले पछिल्लो दुई वर्ष नियमित रुपमा रन जोड्ने प्रयास गरिरहेको छु । कहिले राम्रो प्रदर्शन गरेको छु त कहिले नराम्रो भएको छ । अब आउने दिनमा सधैं राम्रो प्रदर्शन गर्ने प्रयास हुनेछ,’ उनले थपे ।

सचिनको रेकर्ड तोडेपछि रोहितले यस्तो भने :

‘सचिन र अफ्रिदीको रेकर्ड तोडेको थाहा थिएन’ – रोहित पौडेल

Latest News

Popular News

क्रिकेट

उद्घाटन खेलमा भद्रपुर र दमक खेल्ने

एनपिएल प्लेअफ -३ स्थानका लागि ४ टोलीको भिडन्त

जनकपुर पराजित हुँदा पोखरा र विराटनगर एनपिएलबाट बाहिर

चर्चित खेलहरु:

उपयोगी लिङ्कहरू

सम्पर्क

सामाजिक संजाल