सुबास हुमागाईं, दुबई
युएईविरुद्धको तेस्रो ओडीआई खेलमा टस जितेर फिल्डीङ रोजेको नेपालले राम्रो सुरुवात गरेको छ । तीव्र गतिका बलर सोमपाल कामी र करण केसीले घातक बलिङ गरेपछि यूएईले दुवै ओपनरलाई सस्तैमा गुमाएको हो ।
सोमपालले तेस्रो ओभरमा अस्फाक अहमदलाई शुन्यमै विकेटकिपर विनोद भण्डारीको हातबाट क्याच गराए । करणले पनि छैटौं ओभरमा यूएईको स्कोर २ रन छँदा चिराग सुरीलाउ आउट गरे । नेपालले सुरुवाती १० ओभरमा यूएईलाई १४-२ को स्थितिमा रोकेको हो ।
क्रिजमा दुई बायाँहाते ब्याट्सम्यान गुलाम सब्बेर र मोहमद उस्मान रहेका छन् । १७ ओभरसम्म यूएईले २ विकेटको क्षतिमा ४१ रन जोडेको छ । उस्मान २४ रन र सब्बेर १४ रनमा खेलिरहेका छन् ।
