धनगढी (हाम्रो खेलकुद) – धनगढी क्रिकेट एकेडेमीले नेपाली क्रिकेट टिमका पूर्वकप्तान पवन अग्रवाल र पूर्वप्रशिक्षक सुनोज भट्टाईलाई सम्मान गरेको छ ।

पवन अग्रवाललाई नेपाली क्रिकेटमा पुर्याएको योगदानलाई कदर गर्दै धनगढी क्रिकेट सम्मान पवनलाई प्रदान गरेको हो । पवनले आफूले प्राप्त गरेको १ लाख रुपैयाँ पुरस्कार राशी फाप्ला क्रिकेट मैदानलाई दिने बताएका छन् ।

त्यस्तै भट्टराइलाई अर्जुन खड्का स्मृति पुरस्कार प्रदान गरेको हो । भट्टराई नेपालले अन्तराष्ट्रिय क्रिकेटमा पहिलो पटक कदम चाल्दाका प्रशिक्षक थिए । उनकै प्रशिक्षकत्वमा नेपालले १९९६ को एसिसि ट्रफि मलेशियामा खेलेको थियो । यस्तै नेपाल पहिलो पटक अण्डर १९ विश्वकपका लागि छनोट हुँदा उनी प्रशिक्षक थिए । उनले पनि एक लाख रुपैयाँ प्राप्त गरेका छन् ।

यसैबीच धनगढी प्रिमियर लिगको उद्धघाटन पनि भएको छ । प्रतियोगिताको खेल भने सोमबारदेखि हुनेछ । उद्धघाटनमा धनगढी क्रिकेट एकेमेडीका अध्यक्ष सुवास साहि, सदुरपश्चिम प्रदेश प्रमुख त्रिलोचन भट्ट, प्रतियोगिताक गुडविल एम्बेसेडर दक्षिण अफ्रिकाका पूर्वक्रिकेटर जोन्टी रोड्स लगायतको उपस्थित रहेको थियो ।