default_image

5 years ago

February 11, 2019

रोमान्चक खेलमा रुपन्देही २ रनले विजयी

धनगढी (हाम्रो खेलकुद) – धनगढी प्रिमियर लिगको तेस्रो संस्करणको दोस्रो खेलमा रुपन्देही च्यालेन्जर्सले महेन्द्रनगर युनाइटेडलाई २ रनले पराजित गरेको छ । १ सय १२ रनको सामान्य लक्ष्य पछ्याएको महेन्द्रनगर २० ओभरमा ८ विकेट गुमाउँदै १ सय ९ रनमा सिमित भयो । अन्तिम ओभरमा १२ रन चाहिएको अवस्थामा कृष्ण कार्कीले उत्कृष्ट बलिङ गरेपछि रुपन्देही विजयी भएको […]

41 views

0 Bookmark

धनगढी (हाम्रो खेलकुद) – धनगढी प्रिमियर लिगको तेस्रो संस्करणको दोस्रो खेलमा रुपन्देही च्यालेन्जर्सले महेन्द्रनगर युनाइटेडलाई २ रनले पराजित गरेको छ । १ सय १२ रनको सामान्य लक्ष्य पछ्याएको महेन्द्रनगर २० ओभरमा ८ विकेट गुमाउँदै १ सय ९ रनमा सिमित भयो

अन्तिम ओभरमा १२ रन चाहिएको अवस्थामा कृष्ण कार्कीले उत्कृष्ट बलिङ गरेपछि रुपन्देही विजयी भएको हो । अन्तिम ओभरको पहिलो बलमा आक्रामक ब्याटिङ गरिरहेका मोहमद नविदलाई कृष्ण कार्कीले बोल्ड गर्दै रुपन्देहीलाई बलियो स्थितिमा पुर्याएका थिए । नविदले ९ बलमा १२ रन जोडे । दोस्रो र तेस्रो बलमा अभिनाश बोहोराले क्रमश: २ र १ रन लिए ।

चौथो बलमा अमरसिंह राउटेलाले लामो सट प्रहार गरेपनि पुनित मेहेराले कुनै खतरा नलिई बाउन्ड्री जोगाउँदै २ रन दिए । पाँचौ बलमा पनि अमरले २ रन जोडे । अन्तिम बलमा ५ रन चाहिएको अवस्थामा २ रनमात्र लिएपछि रुपन्देही विजयी भयो ।

सामान्य लक्ष्य पछ्याएको महेन्द्रनगरका लागि ओपनर दिलिप नाथ र शरद भेषावकरले अपेक्षित सुरुवात दिलाउन सकेनन् । कप्तान शरद चौथो ओभरमा ४ रनमा कट बिहाइन्ड भए । लगत्तै अर्को ओभरमा दिलिप नाथ ८ रनमा क्याच आउट भए ।

मध्यक्रमका कुशल मल्ल ९ र आरिफ शेख ५ रनमा लगातार ओभारमा आउट हुँदा महेन्द्रनगर समस्यामा पारेको थियो । सुब्रमनियम आनन्दले सम्हालिएर ब्याटिङ गरेपनि ठुलो स्कोर जोड्न सकेनन् । उनले ३४ बलमा १ चौका र २ छक्काको मदतले २५ रनको योगदान दिए । सिद्धान्त लोहनी पहिलो बलमा नै पेभेलियन फर्केपछि महेन्द्रनगर ६६-६ को दयनीय अवस्थामा पुगेको थियो ।

युवा ब्याट्सम्यान रोहितकुमार पौडेल र यूएईका मोहमद ३४ रनको आक्रामक साझेदारी गर्दै महेन्द्रनगरको जिततर्फ उन्मुख गराएका थिए । तर रोहित २१ बलमा २४ रन जोड्दै १९ औं ओभरमा विक्रम सोबको बलमा बोल्ड भएपछि साझेदारी टुटेको थियो ।

रुपन्देहीका लागि पुनित मेहेराले कसिलो बलिङ गर्दै ४ ओभरमा १३ रन खर्चेर २ विकेट हात पारे । विक्रम सोबले ३ विकेट लिँदा वसन्त रेग्मी र ललितसिंह भण्डारीले पनि १-१ विकेट हात पारे ।

त्यसअघि टस जितेर पहिलो ब्याटिङ रोजेको रुपन्देहीले २० ओभरमा सबै विकेट गुमाउँदै १ सय ११ रन जोड्यो । रुपन्देहीका लागि मध्यक्रमका ब्याट्सम्यान सुमित महर्जनले २७ रन जोडे । उनले ३५ बल खेल्दै १ चौका र २ छक्का प्रहार गरे । विनोद भण्डारीले १९, बाबर हायातले १४ र सन्दीप सुनारले १५ रनको योगदान दिए । अन्य खेलाडीको प्रदर्शन भने निराशाजनक रहयो ।

रुपन्देहीले सुरुवातनै खराब रहयो । दोस्रो ओभरको पहिलो बलमै ओपनर प्रदीप ऐरीलाई १ रनमा गुमाएको थियो । प्रदीपलाई सागर ढकालले सिद्धान्त लोहनीबाट क्याच गराए । सागरले छैटौं ओभरको पहिलो बलमा बाबर हायतलाई १४ रनमा क्याच आउट गराए । बाबरले १३ बलमा १ चौका र १ छक्का प्रहार गरे ।

सातौं ओभरको तेस्रो बलमा सन्दीप सुनार १५ रनमा रन आउट भए । नवौं ओभरको अन्तिम बलमा कप्तान शरद भेषवाकरले कुशल मल्लको हातबाट क्याच गराउँदै विनोदलाई १९ रनमा पेभिलिएन फर्काएपछि रुपन्देही दवावमा परेको थियो । विनोदले १६ बलमा २ छक्का र १ चौका प्रहार गरे । रुपन्देहीको विकेट पतन निरन्तर जारी रह्यो ।

ओपनर प्रदीप ऐरीले १, पुनित मेहेराले ३ तथा भीम सार्कीले २ रन मात्र जोड्न सके । कप्तान वसन्त रेग्मीले खाता खोल्न सकेनन् भने कृष्ण कार्की ४ रन जोड्दै पेभेलियन फर्किए । विक्रम सोबले आक्रमक ब्याटिङ गरेपछि रुपन्देहीले १ सय रनको आँकडा पार गरेको थियो । उनले १० बलमा १ चौका र १ छक्कासहित नटआउट १६ रन जोडे ।

महेन्द्रनगरका सिद्धान्त लोहनीले ४ ओभरमा १९ रन खर्चेर ३ विकेट हात पारे । अभिनाश बोहोरा र सागर ढकालले २-२ विकेट लिए । शरद भेषवाकरले १ विकेट लिए ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.