5 years ago
February 14, 2019
काठमाडौं (हाम्रो खेलुकद) – विगत चार वर्षयता नेपालमा पुरुष क्रिकेटमा फ्रेन्चाइज लिग निरन्तर भइरहेको छ । नेपालमा धनगढी क्रिकेट एकेडेमी (डिसिए) ले सुरुवात गरेको फ्रेन्चाइजी लिग धनगढी प्रिमियर लिग (डिपिएल), एभरेस्ट प्रिमियर लिग (इपिएल) र पछिल्लोपटक पोखरा प्रिमियर लिग (पिपिएल) सम्म आइपुगेको छ ।
पुरुषमा मात्रै हुँदै आएको फ्रेन्चाइज लिग अब महिलामा पनि हुने भएको छ । यसको आयोजना क्वीन्स इभेन्ट म्यानेजमेन्ट प्राइभेट लिमिटेडले गरेको छ । गत असोजमा पिपिएल आयोजना गरेको क्वीन्स इभेन्ट म्यानेजमेन्टले बिहीबार फ्रेन्चाइजी वुमन्स च्याम्पियन्स लिग (डब्लुसिएल) आयोजना गर्ने घोषणा गरेको छ । वुमन्स च्याम्पियन्स लिग चैत २२ गतेबाट ३० गतेसम्म हुने क्वीनस इभेन्ट म्यानेजमेन्टका प्रवन्ध निर्देशक छुम्वी लामाले जानकारी गराए । उनका अनुसार पहिलो फ्रेन्चाइजी महिला च्याम्पियनस लिगमा विभिन्न ५ शहरका ५ फ्रेन्चाइजी टोलीले राउन्ड रोविन लिगका आधारमा प्रतिस्पर्धा गर्नेछ ।
लिगमा शीर्ष दुई स्थान हात पार्ने टोलीले उपाधिका लागि प्रतिस्पर्धा गर्नेछ । फ्रेन्चाइज शहरको टोली र पुरस्कार राशि केही दिनमा घोषणा गरिने निर्देशक छुम्वी लामाले बताए । उनले क्वीन्स इभेन्ट म्यानेजमेन्टले वर्ष दुई प्रतियोगिता गर्ने र यो क्यालेन्डरमै रहने बताए । टिमलाई सन्तुलित बनाउनको लागि अक्सन या ड्राफ्टका आधारमा खेलाडी टिममा समावेश गराइने छ । प्रतियोगिता कीर्तिपुरस्थित त्रिवि क्रिकेट मैदानमा हुनेछ ।
महिला च्याम्पियन्स लिग बारे के भन्छन् :
विनोद दास (पूर्वकप्तान तथा महिला राष्ट्रिय टिम प्रशिक्षक) – अहिलेको समय क्रिकेटमा राइज भइरहेको समय छ । यो पुरुषमा मात्र नभई महिलामा पनि छ । घरमा क्रिकेट नखेलेसम्म राम्रो क्रिकेट खेल्न सकिँदैन । वुमन्स च्याम्पियन्स लिग आवश्यकता थियो । यो सुरुवात गर्न पहल गरेकोमा आयोजकलाई धन्यवाद दिन चहान्छु । यस्तै खालको प्रतियोगिता वर्षमा २ देखि ३ वटासम्म भए राम्रो हुन्छ । यस्तै प्रतियोगिता निरन्तर भैरहे महिला टोलीले पनि विश्वकप खेल्न सक्दछ ।
भावना घिमिरे (आइसीसी प्रतिनिधि) – निकै नै उत्साहित छु । यस्तो खालको लिग छिमेकी मुलुक भारतमै छैन । नेपालमा हुन लागेको छ । म आयोजकलाई धन्यवाद दिन चहान्छु मेरोतर्फबाट यो प्रतियोगितालाई पुरा सहयोग र साथ रहनेछ ।
रुविना क्षेत्री वेलवासे (कप्तान, महिला क्रिकेट टिम) – हामी एकदमै उत्साहित छौं । यो महिला क्रिकेटका लागि एक्सपोजर र सुरुवात हो । यो प्रतियोगिताले पक्कै पनि खेलाडीहरुमा भएको प्रतिभामा निखारता आउनछे । निरन्तर यस्तो खालको प्रतियोगिता भए महिला टोलीले पनि विश्वकप खेल्ने क्षमता राख्दछ ।
जगत टमाटा (प्रशिक्षक, राष्ट्रिय पुरुष टिम) – सुन्दा मै खुशी लागेको थियो । हामी यूएई जानुभन्दा अघि नै आयोजकले यो विषयमा मलाई जानकारी गराउनु भएको थियो । सबैको विश्वकप खेल्ने सपना हुन्छ । महिला टोलीको लक्ष्य पनि अब पुरा होला कि ? यस्तो खालको इभेन्टले खेलाडीको प्रर्दशनमा फड्को मार्दै जानेछ । अझै यस्तै केही प्रतियोगिता थपिनु पर्छ ।
पारस खड्का (कप्तान, राष्ट्रिय क्रिकेट टिम) – पुरुष टोली अहिले जुन स्तरमा आइपुगेको छ । त्यहाँ सम्म महिला टोली पनि आइपुग्न सक्दछ । नेपाल नतिजामा आधारित देश हो । महिला टोलीलाई आगमी प्रतियोगिताको लागि शुभकामना इमान्दार भएर अघि बढ्नुहोला शुभकामना छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]