धनगढी (हाम्रो खेलकुद)- तेस्रो संस्करणको रुस्लान धनगढी प्रिमियर लिग (डिपिएलको) को नवौं खेल अन्तरगत विराटनगर किंग्स र काठमाडौं गोल्डेन्सले मैदान हिलो भएको कारण खेल हुन नसक्दा १-१ अंक बाडेंका छन् ।
शुक्रबार परेको पानीले मैदानमा खेल्न योग्य नभएपछि दुबै टोलीले अंक वाड्न बाध्य भएका हुन् । यो अंक बाडेंसँगै काठमाडौं तीन खेलबाट ५ अंकका साथ शिर्ष स्थानमा उक्लिएको छ । मैदानमा अहिले पनि पानी सुकाउने कार्य जारी छ ।
पुन पानी नपरे घाम लागेको अवस्थामा महेन्द्रनगर युनाइटेड र धनगढी स्टार्सबीचको खेल ओभर छोटाएर हुनसक्ने अनुमान गरिएको छ । यदी आजको खेलमा यी दुई टोलीबीच पनि अंक बाडें साविक विजेता धनगढी समुह चरणबाटै बाहिरिने छ ।
