काठमाडौं (हाम्रो खेलकुद) – लेग स्पिनर सन्दीप लामिछानले विश्व चर्चित बिग ब्यासको फाइनल खेलमा मेलवर्न रेनेगड्सबीरुद्ध घातक बलिङ गरेका छन् ।
रेनेगड्सविरुद्ध ४ ओभरमा १६ रनमात्र खर्चे । सन्दीपको गुग्लीमा कुनै पनि ब्याट्समयान खुलेर खेल्न सकेनन् । घातक बलिङ गरेपनि विकेट भने सन्दीपले लिन सकेनन् ।
टस जितेर पहिला बलिङ राजेको मेलर्वनले सन्दीपलाई ७ औं ओभरमा बलिङ गर्न ल्याएको थियो । सन्दीपले आफ्नो ब्याक्तिगत पहिलो ओभरमा मात्र २ रन खर्चे । चार बल डट र एक एक रन दिए । सन्दीपले ९ औं ओभरमा र १ चौका,एक सिंग्ल र १ वाईका रुपमा मात्र ६ रन खर्चिए ।
१२ औं ओभरमा सन्दीपले ३ रन मात्र खर्चे । तीनै रन सिंगलका रुपमा दिदा भने अरु तीन बल डट गराए । सन्दीपले १५ औं ओभरमा ६ रन खर्चिदै यस सिजनको बिग ब्यास सकाए । रेनेगेड्सले यो समचार तयार पार्न सम्म १५ ओभरमा ५ विकेटको क्षतिमा ९१ रन बनाएको छ ।
यो सँगै सन्दीपले यस सिनजनको विग ब्यासमा ८ खेलमा ११ विकेट आफ्नो नाममा लेखाउन सफल भएका छन् ।
