5 years ago
February 19, 2019
काठमाडौं (हाम्रो खेलकुद) – आईसीसी महिला विश्वकप छनोटको एसिया क्षेत्र प्रतियोगिताअन्तर्गत पहिलो खेलमा नेपालले मलेसियालाई १ सय २७ रनको लक्ष्य दिएको छ । नेपाललाई बलियो योगफलसम्म पुर्याउन कप्तान रुविना क्षेत्री र उपकप्तान सिता रानामगरले उत्कृष्ट ब्याटिङ गरे । बैंककस्थित तेर्थाई मैदानमा टस जितेर पहिला ब्याटिङ थालेको नेपालले निर्धारित २० ओभरमा ५ विकेट गुमाउँदै १ सय२६ […]
काठमाडौं (हाम्रो खेलकुद) – आईसीसी महिला विश्वकप छनोटको एसिया क्षेत्र प्रतियोगिताअन्तर्गत पहिलो खेलमा नेपालले मलेसियालाई १ सय २७ रनको लक्ष्य दिएको छ । नेपाललाई बलियो योगफलसम्म पुर्याउन कप्तान रुविना क्षेत्री र उपकप्तान सिता रानामगरले उत्कृष्ट ब्याटिङ गरे ।
बैंककस्थित तेर्थाई मैदानमा टस जितेर पहिला ब्याटिङ थालेको नेपालले निर्धारित २० ओभरमा ५ विकेट गुमाउँदै १ सय२६ रन बनायो । नेपालको लागि ओपनर सिता राना मगरले उत्कृष्ट ब्याटिङ गरिन् । सिताले ४० बलमा २ चौका प्रहार गर्दै ४२ रन बनाइन् । ओपनर काजल श्रेष्ठले २९ बलमा ३ चौका प्रहार गर्दै १६ रनको योगदान दिइन् ।
ओपनरद्वय सिता र काजलले ७.५ ओभरमा ४६ रनको साझेदारी गर्दै नेपाललाई राम्रो सुरुवात दिलाए । इन्दु बर्माले १४ बलमा १ चौकासहित १३ रन जोडिन् । दोस्रो विकेटका लागि सितासँग २६ रनको साझेदारी गर्दै इन्दु १२ औं ओभरको अन्तिम बलमा क्याचआउट भइन् । त्यसपछि कप्तान रुविना क्षेत्री बेलबसे र सिताले १६ बलमा २५ रनको आक्रामक साझेदारी गर्दै टोलीलाई १ सय रनको आँकडा नजिक पुर्याए । सिता १५ औं ओभरको चौथो बलमा बोल्ड भइन् ।
रुविनाले आक्रामक ब्याटिङ गर्दै २५ बलमा नटआउट ३३ रन जोडिन् । उनले ३ चौका प्रहार गरिन् । नेरी थापा १३ बलमा ६ रन जोड्दै रनआउट भइन । ममता चौधरी कुनै बल नखेल्दै रनआउट भइन ।सरिता मगरले १ बलमा १ रन जोडिन् । मलेसियाका लागि जुमिका आजमी, साषा आजमी र विन्फ्रिड दुराइसिङ्गमले १-१ विकेट हात पारे ।
मलेसियाले सोमबार भएको पहिलो खेलमा कुवेतलाई ६३ रनले पराजित गर्दै सुखद सुरुवात गरेको थियो । छनोटमा ७ टोलीको सहभागिता रहेको छ । राउन्ड रोबिन लिगको शीर्ष स्थानमा रहने टोली विश्वकप छनोटको अर्को चरणमा छनोट हुनेछ ।
यो पनि पढ्नुहोस : एक छनोट, दुई विश्वकप र महिला क्रिकेटको भविष्य
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]