धनगढी (हाम्रो खेलकुद) – रुस्लान धनगढी प्रिमियर लिग (डिपिएल) ३ का सद्भावना दुत दक्षिण अफ्रिकी पूर्व क्रिकेट खेलाडी जोन्टी रोड्सलाई डिपिएल आयोजक धनगढी क्रिकेट एकेडेमी (डिपिए) ले मंगलबार विदाई गरेको छ ।
डिसिएका अध्यक्ष सुवास शाहीले रोड्सलाई नेपाली ढाका टोपी लगाउनका साथै उपहार दिएर विदाई गरे । डिपिएल सुरु हुनुअघि नै रोड्स धनगढी आइपुगेका थिए ।
रोड्सका को पहलमा डिपिएलमा उत्कृष्ट प्रदर्शन गर्ने १४ सदस्यीय यू १९ क्रिकेट टोली डिपिएल राइजिङ स्टारले अर्को वर्ष दक्षिण अफ्रिका भ्रमण गर्ने भएको छ ।
रोड्स डिपिएलको प्ले अफमा पुग्न सफल सिवाईसी अत्तरियाका मेन्टर पनि रहेका थिए । धनगढीबाट आज काठमाडौं फर्कने रोड्स भारतको मुम्बई हदै दुबई जाने बताइएको छ ।
