default_image

5 years ago

February 19, 2019

काठमाडौं ७५ रनमै अल आउट !

धनगढी – तेस्रो संस्करणको धनगढी प्रिमियर लिग (डिपिएल) को समुह चरणको अन्तिम खेलमा काठमाडौं गोल्डेन्सले सिवाईसी अत्तरियालाई ७६ रनको सामान्य लक्ष्य दिएको छ । फाप्ला क्रिकेट मैदानमा टस जितेर पहिला ब्याटिङ राजेको काठमाडौंले निर्धारित २० ओभरमा अल आउट हुँदै ७५ रनमा समेटियो । सुरुवाती समय देखीनै सुस्त गतिमा रन जोडेको काठमाडौंले कुनै पनि समय राम्रो […]

23 views

0 Bookmark

धनगढी – तेस्रो संस्करणको धनगढी प्रिमियर लिग (डिपिएल) को समुह चरणको अन्तिम खेलमा काठमाडौं गोल्डेन्सले सिवाईसी अत्तरियालाई ७६ रनको सामान्य लक्ष्य दिएको छ ।

फाप्ला क्रिकेट मैदानमा टस जितेर पहिला ब्याटिङ राजेको काठमाडौंले निर्धारित २० ओभरमा अल आउट हुँदै ७५ रनमा समेटियो । सुरुवाती समय देखीनै सुस्त गतिमा रन जोडेको काठमाडौंले कुनै पनि समय राम्रो रन बनाउन सकेन ।

सुरुवाती १० ओभरमा काठमाडौं २६-२ को कमजोर अवस्थामा थियो । काठमाडौंका लागि कप्तान ज्ञानेन्द्र मल्लले ४९ बलमा २ चौकाको सहयोगमा ३२ रन बनाए । अन्य कुनै पनि ब्याट्सम्यानले सम्झन योग्य प्रर्दशन गर्न सकेनन् ।

ज्ञानेन्द्र मल्ललाई १८ औं ओभरको चौथो बलमा रन आउटको शिकार बने । पहिलो विकेटको रुपमा काठमाडौंले दोस्रो ओभरको अन्तिम अनिल कुमार शाहलाई ५ रनमा गुमाएको थियो । अनिललाई भुवन कार्कीले जयशिकन कोल्सावालाबाट क्याच गराए ।

त्यस्तै तेस्रो ओभरको चौथो बलमा गौरभ तोमरलाई सन्नी पटेलले १ रनमा एलपी डब्लू आउट गरेपछि काठमाडौं सुरुवातमै दवावमा परेको थियो । १२ औं ओभरको चौथो बलमा रामनरेश गिरीले भारतीय खेलाडी अंकित दवासलाई १० रनमा बोल्ड गरेपछि काठमाडौं सस्तैमा समेटिने निश्चित जस्तै बनेको थियो ।

कााठमाडौंले १५ ओभरमा मात्र ५३ रन जोडेको थियो । १६ ओभरको अन्तिम बलमा क्याच आउट हुनु अघि योगेन्द्रसिंह कार्कीले १२ बलमा समान एक चौका र छक्का प्रहार गर्दै १३ रन जोडे । सोनु तामाङ १ रन र महबुब आलमले खाता खोल्न सकेनन् ।

अत्तरियाका लागि दिपेन्द्रसिंह ऐरीले २ ओभरमा ४ रन खर्चेर ३ विकेट लिए । त्यस्तै राम नरेश गिरीले ४ ओभरमा २३ रन खर्चिदै २ विकेट लिए । भुवन कार्की र सन्नी पटेलको नाममा समान एक विकेट रह्यो ।

काठमाडौं आजको खेलमा पराजित भएपनि शिर्ष दुईमा रहेर क्वालिफायर खेल्ने छ । अत्तरियालाई सिधैं क्वालिफायरमा स्थान बनाउन आजको खेल जित्नु पर्ने कहि दवाव रहेको छ ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.