default_image

5 years ago

March 24, 2019

दिनेशको ह्याट्रिकमा केसीसीको जित

काठमाडौं (हाम्रो खेलकुद) – दिनेश आग्रीले ह्याट्रिकसहित उत्कृष्ट अलराउण्ड प्रदर्शन गरेपछि एडिया कान्तिपुर सिटि कलेज (केसीसी) ले गोल्डेन गेट कलेज क्रिकेट लिगको पहिलो दिन जित हासिल गरेको छ । किर्तिपुरस्थित त्रिवी क्रिकेट मैदानमा जारी प्रतियोगिताको पहिलो खेलमा एडिया केसीसीले अर्किड इन्टरनेसनल कलेजलाई ५ विकेटले हरायो । टस जितेर ब्याटिङको निम्तो पाएको अर्किडले १६.५ ओभरमा सबै […]

21 views

0 Bookmark

काठमाडौं (हाम्रो खेलकुद) – दिनेश आग्रीले ह्याट्रिकसहित उत्कृष्ट अलराउण्ड प्रदर्शन गरेपछि एडिया कान्तिपुर सिटि कलेज (केसीसी) ले गोल्डेन गेट कलेज क्रिकेट लिगको पहिलो दिन जित हासिल गरेको छ ।

किर्तिपुरस्थित त्रिवी क्रिकेट मैदानमा जारी प्रतियोगिताको पहिलो खेलमा एडिया केसीसीले अर्किड इन्टरनेसनल कलेजलाई ५ विकेटले हरायो । टस जितेर ब्याटिङको निम्तो पाएको अर्किडले १६.५ ओभरमा सबै विकेट गुमाउँदै ९० रनमात्र जोड्न सक्यो । केसीसीका दिनेश आग्रीले ह्याट्रिकसहित ४ विकेट लिएपछि अर्किड सामान्य स्कोरमा समेटिएको थियो । अर्किडका सचिन अधिकारीले २८ बलमा ३ चौका र १ छक्कसहित ३० रनको योगदान दिनुबाहेक अन्य ब्याट्सम्यानले उल्लेख्य प्रदर्शन गर्न सकेनन् ।

शीर्षक्रममा हेमन्त ओली १४ र निश्चल अर्याल १६ रन जोडेपनि तल्लोक्रमले राम्रो प्रदर्शन गर्न सकेनन् । अर्किडका दिनेशले १७ औं ओभरको तेस्रो चौथो र पाँचौ बलमा महेश खत्री, चन्द्रकान्त पौडेल र सुमन हुमागाईंलाई लगातार आउट गर्दै ह्याट्रिक लिए । उनले समग्रमा २२ रन खर्चेर ४ विकेट हात पारे । सुवास बुढाले २ तथा नगेन्द्र उपाध्याय, ध्रुब पन्थी र संजय यादवले १-१ विकेट लिए ।

जवाफमा केसीसीले १८.१ ओभरमा ५ विकेट गुमाउँदै लक्ष्य प्राप्त गर्यो । दिनेश आग्रीले सातौं नम्बरमा आएर १४ बलमा नटआउट २३ रन जोडेपछि जितसम्म पुगेको थियो । दिनेशले २ चौका र विजयी छक्का प्रहार गरे । विरेन्द्र बम १३ रनमा नटआउट रहँदा ओपनर रमेश भट्टले २२ रनको योगदान दिए । केसीसीका सन्तोष साह ९, नगेन्द्र उपाध्याय ८ र दीपेन्द्र एरि ११ रनमा आउट हुँदा लोकेन्द्र चन्दले खाता खोल्न सकेनन् । सुमन हुमागाईंले २ तथा चन्द्रकान्त पौडेल र विज्ञान गौतमले १-१ विकेट लिए ।

त्यस्तै दोस्रो खेलमा काठमाडौं विश्वविद्यालय (केयु) ले नेपाल बन कलेजमाथि १ सय १७ रनको फराकिलो जित दर्ता गर्यो । टस हारेर पहिलो ब्याटिङको निम्तो पाएको केयुले दुई अर्धशतकको मदतले २० ओभरमा ५ विकेट गुमाउँदै १ सय ८८ रनको विशाल योगफल तयार पार्यो । केयुका लागि प्रविन रिजाल र दिनेश बुढामगरले अर्धशतक प्रहार गरे ।

ओपनर प्रविनले ५१ बलमा ६ चौकाको मदतले ५१ रन जोडे । उनले दोस्रो विकेटका लागि ५० रन जोडेका दिनेशसँग ९६ रनको साझेदारी गरे । दिनेशले ३७ बलमा ६ चौका र १ छक्कासहित ५० रन जोडे । कप्तान इशान पाण्डेले १४ बलमा ३ चौका र २ छक्कासहित ३२ रन जोड्दा रविन जोशीले १४ रन जोडे । बनका जय साउदले ३ तथा युन्तेन लामाले २ विकेट लिए ।

विशाल लक्ष्य पछ्याउने क्रममा बन कलेज १२.५ ओभरमा ७१ रन जोड्दै अलआउट भयो । बनका लागि अहमदले १८ रन जोड्नुबाहेक अन्य खेलाडीले दोहोरो अंकमा रन जोड्न सकेनन् । केयुको घातक बलिङसामु ५ ब्याट्सम्यान खाता नखोल्दै पेभेलियन फर्किए । रुपेश श्रीवास्तव र सोमु देवकोटाले २-२ विकेट लिए । नविन यादवले २ तथा अर्पण क्षेत्री र सगर शर्माले १-१ विकेट हात पारे ।

उपत्यकाका १२ कलेज सहभागी प्रतियोगिताको विजेताले २ लाख २२ हजार २ सय २२ तथा उपविजेताले १ लाख ११ हजार १ सय ११ रुपैयाँ प्राप्त गर्नेछन् । यस्तै म्यान अफ द सिसिजले रु २५ हजार र प्रतियोगिताको उत्कृष्ट ब्याट्स्म्यान र बलरले जनही रु १० हजार पुरस्कार प्राप्त गर्नेछन् । प्रत्येक खेलको म्यान अफ द म्याचले एक्सटेपको प्रोयाजनमा रु ५ हजार बराबरको जुत्ता प्राप्त गर्नेछन् ।८ दिने प्रतियोगिताका सबै खेलहरु किर्तिपुरस्थित त्रिभुवन विश्वविद्यालय क्रिकेट मैदानमा हुनेछ । प्रतियोगिताको अनुमानित लागत रु ३० लाख रहेको छ ।

प्रतियोगिताको उद्घाटन त्रिभुवन विश्वविद्यालयका उपकुलपति तिर्थ खनियाले गरेका थिए । उद्घाटन समारोहमा हिसानका अध्यक्ष रमेश सिलवाल, त्रिभुवन विश्वविद्यालयका रजिष्ट्रार डिल्ली उप्रेतीलगायतको उपस्थिति रहेको थियो ।

सहभागि कलेजहरुलाई चार समुहमा विभाजन गरिएको छ र राउण्ड रोबिन लिगपछि प्रत्येक समुहको प्रथम स्थान ओगट्ने टोली सेमिफाइनल प्रवेश गर्नेछन् । दुवै सेमिफाइनल चैत्र १६ गते हुनेछ भने फाइनल चैत्र १७ गतेका लागि तय गरिएको छ ।

समुह क मा अर्किड इन्टरनेशनल कलेज, कान्तिपुर सिटि कलेज (केसीसी) र ट्रिटन इन्टरनेशनल कलेज रहेका छन् भने समुह बी मा काठमाडौं युनिभर्सिटी, नेपाल बन कलेज र त्रि चन्द्र क्याम्पस रहेका छन् । यस्तै समुह सी मा नेपाल कमर्स क्याम्पस, हिमालय कलेज र शंकर देव क्याम्पस रहेका छन् । समुह डी मा गोल्डेन गेट इन्टरनेशनल कलेज, त्रिभुव बिश्वबिद्यालय र ओमेगा इन्टरनेशनल कलेज रहेका छन् ।

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

Success

Thank you for your time.