एजेन्सी – इन्डियन प्रिमियर लिग (आईपीएल) को पाँचौ खेलमा घरेलु टोली दिल्ली क्यापिटल्स चेन्नई सुपर किंग्ससँग ६ विकेटले पराजित भएको छ ।

मंगलबार राती सम्पन्न रोमान्चक खेलमा चेन्नईले दिल्लीलाई ६ विकेटले हराएको हो । १ सय ४८ रनको लक्ष्य पछ्याएको चेन्नईले २ बल अगाडी ४ विकेटको क्षतिमा पुरा गर्यो । चेन्नईलाई अन्तिम ६ बलमा २ रन चाहिएको थियो । पहिलो बलमै केदार जाधवलाई कागिसो रवडाले २७ क्याच आउट गराए । दोस्रो र तेस्रो बलमा ड्वेन ब्राभोले डट खाएपछि खेल थप रोमान्चक मोडमा पुगेको थियो । तर चौथो बलमा ब्राभोले चौका हान्दै खेल जिताए ।

चेन्नईको जितमा ओपनर शेन वाटशनले २६ बलमा ३ छक्का र ४ चौका प्रहार गर्दै ४४ रनको महत्वपूर्ण योगदान दिए । सुरेश रैनाले १६ बलमा ४ चौका १ छक्का प्रहार गर्दै ३०,केदार जाधव २७ र आम्बाती रायडु ५ रनमा आउट भए । महेन्द्र सिंह धोनीले ३५ बलमा २ चौका र १ छक्का प्रहार गर्दै ३२ रनमा अविजित रहे । दिल्लीका लागि अमित मिश्राले ४ ओभरमा ३५ रन खर्चेर २ तथा ईशान्त शर्मा र कागिसो रबाडाले समान १ विकेट लिए ।

त्यस अघि घरेलु मैदान फिरोज शाह कोटलामा टस जितेर पहिला ब्याटिङ थालेको दिल्लीले निर्धारित २० ओभरमा ६ विकेटको क्षतिमा १ सय ४७ रन बनाएको थियो । दिल्लीका ओपनर शिखर धवनले ४७ बलमा ७ चौका प्रहार गर्दै ५१ रनको योगदान दिए । धवनलाई १८ ओभरको पहिलो बलमा ड्वेन ब्राभोले सार्दुल ठाकुरबाट क्याच आउट गराए ।

दिल्लीलाई ओपनर धवन र पृथ्वी शा ले मध्यम सुरुवात दिएका थिए । दिपक चाहरले शेन वाटशनबाट शालाई २४ रनमा क्याच आउट गराउँदा दिल्ली ४.३ ओभरमा ३६ रन बनाएको थियो । शाले १६ बलमा ५ चौका प्रहार गरे । कप्तान श्रेयस ऐरलाई इमरान ताहिरले एलवी डब्लू आउट गर्दै १८ रनमा पेभिलिएन फर्काए ।

१२ औं ओभरको चौथो बलमा ऐर आउट भएपछि मैदान प्रवेश गरेका विकेटकीपर ऋषभ पन्तले १३ बलमा २ चौका र १ छक्का प्रहार गर्दै २५ रनमा आउट भए । कोलिन इनग्राम २,किमो पल डक, अक्षर पटेल ९ र राहुत तेवतियाले ११ रन जोडे । दिल्लीलाई सस्तैमा रोक्न चेन्नईका ड्बेन ब्राभोले उत्कृष्ट बलिङ गर्दै ४ ओभरमा ३३ रन खर्चेर ३ विकेट लिए । त्यस्तै दिपक चाहर,रविन्द्र जडेजा र इमरान ताहिरको नाममा समान एक विकेट रह्यो ।

दिल्लीले लगातार दोस्रो खेलमा नेपाली स्पिनर सन्दीप लामिछानेलाई टोलीमा समावेश गरेको थिएन । यो जितसँगै चेन्नई लगातार दोस्रो जित निकाल्दै शिर्ष स्थानमा उक्लिएको छ । दिल्लीले आफ्नो तेस्रो खेल अव ३० मार्चमा कोलकता नाइट राइडर्ससँग कोटलामानै खेल्ने छ । चेन्नईले आफ्नो तेस्रो खेल ३१ मार्चमा राजस्थानसँग प्रतिसप्रर्धा गर्ने छ ।