एजेन्सी – भारत भ्रमणमा रहेको नेपाली यू१९ क्रिकेट टिमले पाँचौ तथा अन्तिम अभ्यास खेलमा आन्द्र स्टेट यू१९ क्रिकेट टिमलाई ५ विकेटले पराजित गरेको छ ।

विहीबार २ सय २१ रनको लक्ष्य पछ्याएको नेपाली यू१९ टोलीले ४८.२ ओभरमा ५ विकेटको क्षतिमा पुरा गर्यो । नेपालको जितमा आशिफ शेखले ९७ बलमा ४ चौका र १ छक्का प्रहार गर्दै ६५ रनको योगदान दिए । भीम सार्कीले ३३ बलमा २ छक्का र ३ चौका प्रहार गर्दै ४५ रनमा नट आउट रहँदा कप्तान रोहित कुमार पौडेल ४५, रवीकुमार शाह ३७, अभिषेक बस्नेत ७, पवन सरार्फ ३ रनमा आउट भए । स्टेटका लागि एम के दत्त,बि सन्तोस,एसएमडी कामिल,नितेश कुमारले समान एक विकेट हात पारे ।

त्यस अघि पहिला ब्याटिङ थालेको आन्द्र यू१९ स्टेटले निर्धारित ५० ओभरमा ९ विकेटको क्षतिमा २ सय २० रन बनाएको थियो । उसका लागि एम रभि किरण ४५,पि सुब्रमनियम ३८,नितेश कुमार २३,वि योगेन्द्र १२,बी ध्रनरी कुमार ३७ रन बनाउन बाहेक अन्य कुनै कुनैपनि ब्याट्सम्यानले राम्रो प्रर्दशन सकेनन् । नेपालका पवन सरार्फ र सुर्य तामाङले समान २,कमलसिंह ऐरी,प्रतिस जिसी र भिम सार्कीले समान एक विकेट लिए ।

यस अघि नेपाल पहिलो खेलमा ६२ र तेस्रोमा १ विकेट, चौथो खेलमा ९ रनले विजयी हुँदा दोस्रो खेलमा ७२ रनले पराजित भएको थियो । अप्रिल १२ देखी १८ सम्म मलेसियामा सुरुहुने यू१९ एसिया विश्वकप छनोट अघि नेपालले तयारी स्वरुप स्टेटसँग अभ्यास खेल खलेको हो । ६ राष्ट्रले सहभागिता उक्त प्रतियोगितामा शिर्ष स्थानमा रहने टिमले आगमी वर्ष दक्षिण अफ्रिकामा हुने यू१९ विश्वकप खेल्न पाउने छ ।