एजेन्सी – पाकिस्तानसँगको चौथो वान डे खेलमा पाहुना टोली अष्ट्रेलियाले रोमान्चक जित हात पारेको छ । शुक्रबार राती सम्पन्न खेलमा पाकिस्तानलाई ६ रनले हराउँदै पाँच वान डे श्रृंखलामा ४-० को अग्रता सहित क्लिन स्विप नजिक पुगेको छ ।

अष्ट्रेलियाले प्रस्तुत गरेको २ सय ७८ रनको लक्ष्य पछ्याउने क्रममा पाकिस्तानले निर्धारित ५० ओभरमा ८ विकेट गुमाउँदै २ सय ७१ रन मात्र बनाउन सक्यो । पाकिस्तानका लागि आबिद अली र मोहम्मद रिजवानले शतक प्रहार गरेपनि अन्य ब्याट्सम्यान चल्न नसक्दा टोलीको झिनो हार टार्न सकेनन् । पाकिस्तानलाई जितको लागि अन्तिम ओभरमा १७ रन चाहिएको अवस्थामा मार्कस स्टोइनिसले १० रन खर्चेर २ विकेट लिएपछि अष्ट्रेलियाले रोमान्चक जित हात पारेको हो ।

पाकिस्तानका लागि आबिद अलीले डेब्यूमै शतक प्रहार गर्दै १ सय १९ बलमा ९ चौका सहित १ सय १२ रनको योगदान दिएपनि पाकिस्तानलाई जितको स्वाद चखाउन सकेनन् । त्यस्तै मोहम्मद रिजवानले वान डे करियरको दोस्रो शतक प्रहार गर्दै १ सय २ बलमा ९ चौका र १ छक्का प्रहार गर्दै १ सय ४ रन जोडे । ह्यारिस सोहेलले २५ रन बनाउन बाहेक अन्य कुनैपनि ब्याट्समयानले दोहोरो अंकमा रन छुन सकेनन् । अष्ट्रेलियाका लागि नाथन कुल्टर नाईलले ३,मार्कस स्टोइनिस २ तथा केन रिचर्डसन,नाथन लायन र एडम जम्पाले समान १ विकेट लिए ।

त्यसअघि दुबई इन्टरनेशनल क्रिकेट मैदानमा टस हारेर पहिला ब्याटिङ थालेको अष्ट्रेलियाले निर्धारित ५० ओभरमा ७ विकेटको क्षतिमा २ सय ७७ रन बनायो । शतक बनाउन मात्र २ रनले चुकेका ग्लेन म्याक्सवेलले २ बलमा ९ चौका र ३ छक्का प्रहार गर्दै ९ रनमा आउट भए । म्याक्सवेल खेलमा म्यान अफ द म्याच पनि चुनिए । म्याक्सवेल ४९.२ ओभरमा रन आउट हुन पुग्दा शतक बनाउन चुकेका हुन् ।

म्याक्सवेललाई ४६.२ ओभरमा उस्मान सनवारीले ७६ रन बनाएको अवस्थामा बोल्ड आउट गरेपनि उक्त बल नो भएपछि जीवन दान पाएका थिए । म्याक्सवेलले छैटौं विकेटका लागि एलेक्स केरीसँग १ सय ३४ रनको शतकीय साझेदारी गर्दै अष्ट्रेलियालाई बलियो योगफल सम्म पुर्याएका थिए । केरीले ६७ बलमा ३ चौका प्रहार गर्दै ५५ रनमा आउट भए । त्यस्तै उस्मान खवाजाले ७८ बलमा ६ चौका प्रहार गर्दै ६२,कप्तान आरोन फिन्च ३९, शन मार्श ५ र पिटर हेन्डस्कम्ब रनमा आउट भए । पाकिस्तानका लागि ईमाद वासिम,मोहम्मद हसन र यासिर शाहले समान दुई विकेट लिए ।

यो जितसँगै पाँच खेलको ओडीआई सिरिजमा अष्ट्रेलियाले ४-० को अग्रता लिएको छ । यस अघि अष्ट्रेलियाले पहिलो र दोस्रो खेलमा समान ८ विकेट तथा तेस्रो खेलमा ८० रनले विजयी भएको थियो । अन्तिम तथा पाँचौ खेल ३१ मार्चमा हुने छ ।