एजेन्सी – इन्डियन प्रिमियर लिग (आईपीएल) को १४ औं खेलमा आज रोयल च्यालेन्जर्स बेंगलोर र राजस्थान रोयल्स भिड्दै छन् । खेल नेपाली समय अनुसार बेलुका ८ः१५ देखि राजस्थानको घरेलु मैदान जयपुरमा सुरु हुनेछ ।
सुरुवाती तीनै खेल हारेका यी दुई टोली पहिलो जितको खोजिमा छन् । आज पराजित हुने टोलीको अघिल्लो चरण निकै कठिन बन्ने छ । यी दुईबीच आईपीएलमा १९ खेल हुँदा राजस्थानले ९ र बंगलोरले ८ खेल जितेको छ । जारी आईपीएलको प्रर्दशन हेर्दा बेंगलोर भन्दा राजस्थान बलियो देखिन्छ ।
बेंगलोर पहिलो खेलमा चेन्नई सुपरकिंग्ससँग ७ विकेटले पराजित भएको थियो । बेंगलोरका १० ब्याट्सम्यानले दोहोरो अंकमा रन जोड्न नसक्दा ७० रनमै समेटिएको थियो । दोस्रो खेलमा मुम्बईसँग ६ रनले पराजित हुन पुगेको थियो । जसमा एबी डी विलियर्सले ७० र विराट कोहलीले ४५ रन जोड्न बाहेक अन्य कुनै पनि ब्याट्सम्यानको प्रर्दशन सन्तोक जनक थिएन ।
हैदरावादसँगको तेस्रो खेलमा २ सय ३२ रनको लक्ष्य पछ्याउने क्रममा टप अडरमा ५ ब्याट्सम्यानले दोहोरो अंकमा रन बटुन नसक्दा १ सय १३ रनमै अल आउट भएको थियो । अष्ट्रेलियाका अलराउण्डर मार्कस स्टोइनिस र नाथन कुल्टन लाईल आजको खेलदेखी बेंगलोरको टिममा उपलब्ध हुने छन् । यी दुई खेलाडीको आगमनले बेंगलोरको प्रर्दशनमा सुधार हुने आसा गरिएको छ । पाकिस्तानसँगको पाँच वान डेको कारण यी दुबै खेलाडीले सुरुवाती तीन खेल गुमाएका थिए ।
राजस्थानले तीनै खेल हारेपनि सबै खेल जित नजिक पुगेर गुमाएको छ । पछिल्लो सयम उत्कृष्ट लयमा रहेका अष्ट्रेलियन हिटर एस्टन टर्नरको आगमनले फिनिसरको अभाव खेपिरहेको राजस्थानलाई ठूलो राहत पुग्न सक्छ । पहिलो खेल पन्जावसँग १४ रनले पराजित भएको थियो । दोस्रो खेलमा कोलकता ५ विकेटले पराजित हुँदा र चेन्नईसँग ८ रनले पराजित भएको थियो । राजस्थानका सन्जु स्यामसन, जोफ्रा आर्चर, जस बटलर, अजिंक्या रहाणे, बेन स्टोक्स लगायतका खेलाडी राम्रो लयमा छन् ।
