काठमाडौं (हाम्रो खेलकुद) – आईसीसी यू-१९ विश्वकप छनोटको लागि राष्ट्रिय टोलीका युवा ब्याट्सम्यान रोहितकुमार पौडेलको कप्तानीमा १४ सदस्यीय अन्तिम टोली घोषणा भएको छ ।
राष्ट्रिय टोलीबाट पछिल्लो समयमा उत्कृष्ट प्रदर्शन गर्दै आएका रोहितलाई पहिलो पटक मुख्य प्रतियोगितामा कप्तानको भुमिका दिइएको छ । यसअघि भारत भ्रमणमा अभ्यासको लागि रोहितलेनै कप्तानी पाएका थिए । मंगलबार घोषणा गरेका टोलीमा प्रतिस जिसी,कुशल मल्ल, हरिबहादुर चौहान र अभिषेक बस्नेतले पहिलो पटक यू-१९ टोलीमा मौका बनाएका छन् ।
भारतको आन्द्र स्टेट क्रिकेट टिमसँग ६ अभ्यास खेलपछि आगमी महिला मलेसियामा हुने यू-१९ विश्वकप छनोटको लागि १४ सदस्य अन्तिम टोलीको घोषणा भएको हो । टोलीको प्रशिक्षकमा विनोद दास रहेका छन् ।
यू१९ विश्वकप छनोटका लागि घोषणा भएका १४ सदस्य टोली :
१-रोहित कुमार पौडेल (कप्तान)
२-आशिफ शेख
३-पवन सरार्फ
४-भिम सार्की
५-सन्दीप जोरा
६ -सागर ढकाल
७-रित गौतम
८-कमल सिंह ऐरी
९-राशिद खान
१०- सूर्य तामाङ
११-अभिषेक बस्नेत
१२-कुशल मल्ल
१३-हरि बहादुर चौहान
१४-प्रतिस जिसी
वैकल्पिक खेलाडी :
१. आकाश चन्द
२. रवि कुमार
३. लोकेश बहादुर बम
४. शेर मल्ल
