काठमाडौं (हाम्रो खेलकुद) – प्रदेश ३ ले अण्डर १६ क्रिकेट लिगको उपाधि कब्जा गरेको छ । त्रिवि क्रिकेट मैदानमा सोमबार भएको फाइनलमा प्रदेश ५ लाई ३३ रनले पराजित गर्दै प्रदेश ३ ले उपाधि आफ्नो नाममा लेखाएको हो ।

टस जिति पहिलो ब्याटिङ्ग गरेको प्रदेश ३ ले अभिषेक उपाध्यायको अद्र्धशतक र प्रशान्त महतको उल्लेखनीय योगदानमा ३० ओभरमा ५ विकेट गुमाउदै १ सय ६२ रन बनायो । जवाफमा प्रदेश ५ ले ३० ओभरमा ८ विकेटको क्षतिमा १ सय ३९ रन मात्र बनाउन सक्यो । उपाधिसँगै विजयी टोलीका खेलाडीहरुलै एक लाख ५० हजार बराबरको क्रिकेट किट हात पा¥यो । उपबिजेता प्रदेश ५ ले ७५ हजार बराबरको क्रिकेट किट हात पा¥यो ।

प्रतियोगिताको उत्कृष्ट खेलाडी प्रदेश ५ का विशाल विक्रम केसी घोषित भए । यस्तै उत्कृष्ट ब्याट्स्म्यान प्रदेश ३ का आइस भट्टराई र उत्कृष्ट बलर प्रदेश ५ का रमेश कुर्मी घोषित भए । प्रदेश ४ का अर्जुन कुमालले इमर्जिङ्ग प्लेयरको उपाधि हात पारे ।  फाइनलमा जितका क्रममा प्रदेश ५ ले ३१ रनमै तीन विकेट गुमाईसकेको थियो ।

बिशालले आकर्षक इनिङ्गस खेल्दै अमर मिश्रसँग चौथो विकेटका लागि ६१ रनको साझेदारी गर्दै टिमलाई खेलमा फर्काएका थिए । तर कृस कार्कीको बलमा बिशाल आउट भएपछि प्रदेश ५ को इनिङ्गस लगभग समाप्त भएको थियो । बिशालले ४६ बलमा ६ चौका प्रहार गर्दै ४४ रन बनाए भने अमरले २९ रन बनाउदै दुई चौका र एक छक्का प्रहार गरेका थिए । उनले ४४ बल खेलेका थिए । प्रदेश ३ का लागि बिबेक दराई र दिपक बोहोराले दुई–दुई विकेट हात पारे ।

यस्तै सकृय कार्की र तिलक भण्डारीले पनि एक–एक विकेट लिएका थिए । यसअघि समान शुरुवात रहेको प्रदेश ३ ले पहिलो तीन विकेट ३७ रनमै गुमाएको थियो । अभिषेकले चौथो विकेटका लागि कप्तान दिपकसँग ५८ रनको साझेदारी गर्दै टिमलाई सम्हालेका थिए । दुई चौका प्रहार गरेका अभिषेकले ७१ बलमा ५६ रन बनाएका थिए ।

दिपक र प्रशान्तले त्यसपछि पाचौं विकेटका लागि ५५ रनको महत्वपूर्ण साझेदारी गर्दै टिमलाई चुनौतिपूर्ण योगफल तर्फ डो¥याए । प्रशान्तले ३२ बलमा एक चौका र एक छक्का प्रहार गर्दै नटआउट ३४ रन बनाए । दिपकले ३९ बलमा चार चौका प्रहार गर्दै ३० रन बनाए । रमेश र सुरज खड्काले प्रदेश ५ का लागि दुई–दुई विकेट लिएका थिए ।

युवा तथा खेलकुद मन्त्रालयले आयोजना गरेको प्रतियोगिता आगामी अप्रिल १८ देखि २९ सम्म थाइल्याण्डको चियाङ्ग माइमा हुन गइरहेको एसिसि अण्डर १६ इस्टर्न रिजन टुर्नामेन्टको छनोटको रुपमा रहेको थियो । नेपाली टोलीको प्रशिक्षकको रुपमा बसन्त शाही ठकुरी र मन्जुर आलम खान रहेका छन् ।