default_image

5 years ago

April 12, 2019

चेन्नईको रोमान्चक जितमा धोनीको कीर्तिमान

एजेन्सी – इन्डियन प्रिमियर लिग (आईपीएल) को २५ औं खेलमा चेन्नई सुपर किंग्सले राजिस्थान रोयल्समाथि रोमान्चक जित हात पारेको छ । विहिवार राती सम्पन्न खेलमा चेन्नईले राजस्थानलाई ४ विकेटले पराजित गरेको छ । यो जितसँगै कप्तान महेन्द्र सिंह धोनी आईपीएलमा एक सय खेल जिताउने पहिलो कप्तान बनेका छन् । १ सय ५२ रनको लक्ष्य पछ्याएको […]

21 views

0 Bookmark

एजेन्सी – इन्डियन प्रिमियर लिग (आईपीएल) को २५ औं खेलमा चेन्नई सुपर किंग्सले राजिस्थान रोयल्समाथि रोमान्चक जित हात पारेको छ । विहिवार राती सम्पन्न खेलमा चेन्नईले राजस्थानलाई ४ विकेटले पराजित गरेको छ ।

यो जितसँगै कप्तान महेन्द्र सिंह धोनी आईपीएलमा एक सय खेल जिताउने पहिलो कप्तान बनेका छन् । १ सय ५२ रनको लक्ष्य पछ्याएको चेन्नईले २० ओभरमा ६ विकेटको क्षतिमा १ सय ५५ रन बनायो । चेन्नईलाई जितको लागि अन्तिम १२ बलमा ३० रन चाहिएको थियो । १९ औं ओभरमा जोफ्रा आर्चरले १२ रन मात्र दिएपछि चेन्नईलाई अन्तिम ओभरमा जितको लागि १८ रन चाहियो ।

पहिलो बलमै रविन्द्र जडेजाले स्टोक्सलाई छक्का प्रहार गरे । दोस्रो नो बल रहँदा अर्को बलमा २ रन जोडे । तेस्रो योर्कर बलमा धोनीलाई स्टोक्सले बोल्ड आउट गरेपछि खेल थप रोमान्चक मोडमा पुगेको थियो । चौथो बलमा एम्पारबीच नो बलको निर्णयमा असमझदारी हुँदा कप्तान धोनी अम्पायरसँग कुरा गर्न मैदान नै प्रवेश गरेका थिए । उक्त बलमा २ रन सम्भव भएको थियो  । पाँचौ बलमा २ रन दिएपछि चेन्नईलाई जितको लागि अन्तिम बलमा चार रन चाहिएको थियो । अन्तिम बल वाइड रहँदा अर्को बलमा मिचेल सेन्टनरले स्टेटमा छक्का प्रहार गर्दै खेल जिताए ।

सेन्टनर १० र रविन्द्र जडेजा ९ रनमा अविजित रहे । चेन्नईका जितमा नायक बनेका कप्तान महेन्द्र सिंह धोनीले ४३ बलमा ३ छक्का र २ चौका प्रहार गर्दै ५८ रनमा आउट भए । कुनै समय २४-४ को कमजोर अवस्थामा पुगेको चेन्नईलाई पाँचौ विकेटका लागि कप्तान महेन्द्रसिंह धोनी र आम्बाती रायडुले पाँचौ विकेटका लागि ९५ रनको साझेदारी गर्दै जित तर्फ लम्काएका थिए ।

१८ ओभरको चौथो बलमा ठूलो शट खेल्ने धुनमा रायडु बाउन्ड्री नजिकै श्रेयस गोपालले क्याच आउट गरे । रायडुले ४७ बलमा ३ छक्का र २ चौका प्रहार गर्दै ५७ रनको महत्वपूर्ण योगदान दिए ।

चेन्नईको सुरुवात भने राम्रो हुन सकेन । पहिलो ओभरको चौथो बलमै धवन कुलकर्णीले ओपनर शेन वाटशनलाई शुन्यमा बोल्ड आउट गरे । दोस्रो ओभरको पाँचौ बलमा सुरेश रैना ४ रनमा रन आउट हुन पुगे । चौथो ओभरको अन्तिम बलमा जयदेव उनादकटले राहुल त्रिपाठ्ठीबाट फाडु प्लेसिसलाई क्याच गराउँदै ७ रनमा पेभिलिएन फर्काए । छैटौं ओभरको पाँचौ बलमा केदार जाधव १ रनमा क्याच आउट भएपछि चेन्नई २४-४ को कमजोर अवस्थामा पुगेको थियो । राजस्थानका लागि बेन स्ट्रोक्सले २, धवन कुलकर्णी, जोफ्रा आर्चर र जयदेव उनादकटले समान एक विकेट लिए ।

त्यस अघि घरेलु मैदान जयपुरमा टस हारेर पहिला ब्याटिङ थालेको राजस्थानले निर्धारित २० ओभरमा ७ विकेटको क्षतिमा १ सय ५१ रन बनाएको थियो । राजस्थानका लागि जोफ्रा आर्चर १३ र श्रेयस गोपाल १९ रनमा अविजित रहे ।

अन्तिम ओभरमा श्रेयस गोपालले समान १ चौका र छक्का साथै जोफ्रा आर्चरले १ चौका प्रहार सहित सार्दुल ठाकुरलाई १८ रन प्रहार गरेपछि राजिस्थानले मध्यम योगफल बनाउन सकेको हो ।बेन स्टोक्सले २६ बलमा १ चौका प्रहार गर्दै २८ रनमा बोल्ड आउट भए ।

जस बटलरले १० बलमा ४ चौका र १ छक्का प्रहार गर्दै २३, अजिंक्या रहाणे १४, स्टिभ स्मिथ १५, सन्जु स्यामसन ६, रियान पराग १६ र राहुल त्रिपाठ्ठी १० रनमा आउट भए । राजस्थानलाई सस्तैमा रोक्न चेन्नईका रविन्द्र जडेजा,सार्दुल ठाकुर,दिपक चाहरले समान २ तथा मिचेल सेन्टरले १ विकेट हात पारे ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.