काठमाडौं (हाम्रो खेलकुद)– सुदूरपश्चिम मनमोहन मेमोरियल क्रिकेट सेन्टरको आयोजनामा अन्तर प्रदेश यू१६(राष्ट्रिय क्रिकेट प्रतियोगिताको फाइनलमा प्रवेश गरेको छ ।

सोमबार भएको पहिलो सेमिफाइनल खेलमा प्रदेशले प्रदेश १ लाई ३० रनले पराजित गर्दै सुदूरपश्चिम फाइनलमा प्रवेश गरेको हो । त्रिवि अन्तराष्ट्रिय क्रिकेट मैदानमा मैदान कीर्तिपुरमा टस जितेर पहिला ब्याटिङ थालेको सुदूरपश्चिमले निर्धारित ३० ओभरमा ९ विकेट गुमाउँदै १ सय ६५ रन बनाएको थियो ।

सुदूरपश्चिम प्रदेशका लागि सुवास ऐरले सर्वाधिक ४३ रनको पारी खेलेका थिए । उनले ४१ बलमा ७ चौकाको प्रहार गरेका थिए । यस्तै धिरेन्द्र ठाकुरले २५ रन , सन्दिप बिष्टले २२ रन , अनिल थापाले २० तथा आशिष भट्टले २६ रनको योगदान गरेका थिए । १ का लागि सरवनले सर्वाधिक ३ विकेट लिए । बिपिन महतोले २ तथा अमित रोयको नाममा १ विकेट रह्यो ।

१ सय ६६ रनको विजयी लक्ष्य पछ्याएको प्रदेश १ ले २५.२ ओभरमा अलआउट हुँदै १ सय ३५ रनमा समेटियो । प्रदेश १ का लागि सुमन सुन्दासले सर्वाधिक ४४ रनको योगदान गरे । ३५ बलको सामना गरेका उनले ६ चौका प्रहार गरेका थिए ।

आईस्टाईन रिजालले ३१ तथा सिमरन राईले २७ रनको योगदान गरे । बाँकी खेलाडीको प्रर्दशन सम्झन योगय रहेन । प्रदेश एकका सुवासले एक्लैले ४ विकेट लिए ।

गोबिन्द्र बिष्ट,सन्देश भट्ट ,सचिन बडायक र बरलिङ गिरिले समान १(१ विकेट लिए । खेलको प्लेयर अफ द म्याच सुबाश ऐर घोषित भए । त्यस्तै अर्को सेमीफाइनल खेलमा अहिले प्रदेश २ र प्रदेश ३ बीच प्रतिस्पर्धा भई रहेको छ ।