काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीका कप्तान समेत रहेका पारस खड्काको कप्तानीमा टोली जेठ १० गतेबाट सुरु हुने प्रधानमन्त्री एक दिवसिय राष्टिय प्रतियोगिताको लागि प्रदेश ३ ले आफ्नो १४ सदस्य टोली घोषणा गरेको छ ।

बुधबार घोषणा गरेको टोलीमा कप्तान पारससँगै थुप्रै युवा खेलाडीले मौका पाएका छन् । प्रतियोगितामा ७ प्रदेश र तीन विभागिय गरि १० टोलीको सहभागिता रहनेछ । सहभागी टोलीलाई दुई समूहमा विभाजन गरिएको छ । समुह ए मा एपीएफ, प्रदेश ५, प्रदेश ३, सुदूरपश्चिम र गण्डकी रहेका छन् । समुह बी मा त्रिभुवन आर्मी, नेपाल पुलिस, प्रदेश २, प्रदेश १ र कर्णाली प्रदेश रहेका छन् ।

समुह ए मा रहेको प्रदेश ३ ले पहिलो खेल जेठ ११ मा टियु मैदानमा एपीएफसँग खेल्ने छ । दोस्रो खेल टियुमै जेठ १२ मा गण्डकी प्रदेशसँग प्रतिस्पर्धा गर्ने छ । मुलपानीमा जेठ १८ मा सुदूरपश्चिमसँग खेल्ने छ । अन्तिम खेल जेठ २० मा प्रदेश ५ सँग टियूमा खेल्ने तालिका रहेको छ । शीर्ष दुईमा पर्न सके सेमिफाइनलमा प्रवेश गर्ने छ । यस पटक प्रदेश ३ लाई उपाधिको दावेदार टोलीको रुपमा समेत हेरिएको छ ।

पीएम कप खेल्ने १४ सदस्य टोली :
१. पारस खड्का(कप्तान)
२. ज्ञानेन्द्र मल्ल(उपकप्तान)
३. सोनु तामाङ
४. जितेन्द्र सिंह ठकुरी
५. इशान पान्डे
६. रित गौतम
७. प्रतिस जि.सी
८. अभिषेक बस्नेत
९. सुर्य तामाङ्ग
१०. सोनु देवकोटा
११. नन्दन यादव
१२. गौतम केसी
१३. आदिल खान
१४. रविन जोशी (विकेटकीपर)
प्रशिक्षक : मन्जुर आलम खान
व्यवस्थापक : सुमन राज कार्की

वैकल्पिक खेलाडी :
भुपेन्द्र थापा
रेवाती यादव
सुभ कंसाकर
दिपक बोहोरा