default_image

5 years ago

May 30, 2019

स्टोक्स चम्कँदा इंग्ल्यान्डको विजयी सुरुवात

एजेन्सी – घरेलु टोली इंग्ल्यान्डले एक दिवसिय विश्वकप क्रिकेट प्रतियोगितामा विजयी सुरुवात गरेको छ । बिहीबार राती उद्धघाटन खेलमा दक्षिण अफ्रिकालाई १ सय ४ रनले पराजित गर्दै विजयी सुरुवात गरेको हो । घरेलु टोली इंग्ल्यान्डले प्रस्तुत गरेको ३ सय १२ रनको लक्ष्य पछ्याएको दक्षिण अफ्रिकाले ३९.५ ओभरमा २ सय ७ रन बनाउन सबै विकेट गुमायो […]

29 views

0 Bookmark

एजेन्सी – घरेलु टोली इंग्ल्यान्डले एक दिवसिय विश्वकप क्रिकेट प्रतियोगितामा विजयी सुरुवात गरेको छ । बिहीबार राती उद्धघाटन खेलमा दक्षिण अफ्रिकालाई १ सय ४ रनले पराजित गर्दै विजयी सुरुवात गरेको हो ।

घरेलु टोली इंग्ल्यान्डले प्रस्तुत गरेको ३ सय १२ रनको लक्ष्य पछ्याएको दक्षिण अफ्रिकाले ३९.५ ओभरमा २ सय ७ रन बनाउन सबै विकेट गुमायो । दक्षिण अफ्रिका लागि ओपनर क्विन्टन डी ककले सर्वाधिक ६८ रनको योगदान दिए । २३ औं ओभरको अन्तिम बलमा ठूलो शट खेल्ने धुनमा जो रुटले क्याच लिएपछि पेभिलिएन फर्किनु अघि उनले ७४ बलमा ६ चौका र २ छक्का प्रहार गरे । रस्सी भान डर डुसेनलाई जोफ्रा आर्चरले ५० रनमा क्याच आउट गराए ।

३२ औं ओभरको पाँचौ बलमा आर्चरले मोइन अलीबाट क्याच गराउनु अघि डुसेनले ६१ बलमा ४ चौका र १ छक्का प्रहार गरे । दक्षिण अफ्रिकाले पहिलो विकेटका रुपमा एडेन मार्करामलाई ८ औं ओभरको चौथो बलमा ११ रनमा गुमाएको थियो । उनलाई आर्चरले जो रुटबाट क्याच गराए । आर्चरलेनै १० औं ओभरको तेस्रो बलमा कप्तान फाफ डु प्लेसिसाई मोइन अलीबाट ५ रनमा आउट गरेपछि अफ्रिका सुरुवातमै दबाबमा परेको थियो ।

२६ ओभरको पाँचौ बलमा मोइन अलीले जेपी ड्युमिनीलाई ८ रनमा बेन स्टोक्सबाट क्याच गराउदै पेभिलिएन फर्काए । लगतै तीन बलपछि ड्वेन प्रिटोरिसय १ रनमा रन आउट हुन पुगे । ३५ ओभरको पहिलो बलमा आदिल राशिदले एन्डिले फेलुक्वायोलाई बेन स्टोक्सबाट एक हाते उत्कृष्ट क्याच गराउँदै २४ रनमा पेभिलिएन फर्काएपछि अफ्रिकाको जित सम्भावना लगभग सकिएको थियो । लुन्गी निडी ६, कागिसो रबाडा ११ र हसिम अमलाले १३ रनमा आउट भए ।

इंग्ल्यान्डलाई सहज जित दिलाउन तीब्र गतिका युवा खेलाडी जोफ्रा आर्चरले ७ ओभरमा १ मेडन सहित २७ रन खर्चेर ३ विकेट लिए । त्यस्तै लियाम प्लन्केट र बेन स्टोक्सको नाममा समान २ विकेट रह्यो । मोइन अली र आदिल राशीदले पनि समान १ विकेट लिए ।

त्यसअघि ओभल क्रिकेट मैदानमा टस हारेर पहिला ब्याटिङ थालेको इंग्ल्यान्डले निर्धारित ५० ओभरमा ८ विकेटको क्षतिमा ३ सय ११ रन बनायो । इंग्ल्यान्डका लागि मध्यक्रमका बेन स्टोक्सले ८९ रनको महत्वपूर्ण योगदान दिए । ४९ औं ओभरको अन्तिम बलमा लुन्गी एन्गीडीले हासिम अमलाबाट क्याच गराएपछि शतक बनाउन चुकेका उनले ७९ बलको सामना गर्दै ९ चौका प्रहार गरे ।

इंग्ल्यान्डले पहिलो ओभरको दोस्रो बलमै ओपनर जोनी बेयरस्टोलाई शून्यमा गुमाएको थियो । ओपनर जोसन रोयले ५३ बलमा ८ चौका सहित ५४ रन जोडे । रोयलाई १९ ओभरको चौथो बलमा एन्डिले फेलुक्वायोले कप्तान फाप डु प्लेसिसबाट क्याच गराउँदै पेभिलिएन फर्काए । लगतै २० ओभरको पहिलो बलमा कागिसो रबाडाले जेपी ड्यूमिनीबाट क्याच गराउँदै जो रुटलाई ५१ रनमा आउट गरे । रुटले ५९ बलमा ५ चौका प्रहार गरे ।

रुट र रोयले दोस्रो विकेटका लागि १ सय ६ रनको शतीकय साझेदारी गर्दै राम्रो सुरुवात दिलाएका थिए । रुट र रोय आउट भएपछि दवावमा परेको इंग्ल्यान्डलाई चौथो विकेटका लागि कप्तान इओन मोर्गन र बेन स्टोक्सले पनि १ सय ६ रनको साझेदारी गर्दै दक्षिण अफ्रिका बलरलाई दबावमा राखे । यी दुईबीचको साझेदारी तोड्ने क्रममा ३७ ओभरको पाँचौ बलमा इमरान ताहिरको बलमा ठूलो शट खेल्ने धुनमा मोर्गनलाई एडेन मार्करामले ५७ रनमा क्याच आउट गराए ।

मोर्गनले ६० बलमा ४ चौका र ३ छक्का प्रहार गरे । ४२ ओभरको दोस्रो बलमा लुन्गी निडीले जस बटलरलाई १८ रनमा बोल्ड आउट गरे । ४४ ओभरको अन्तिम बलमा निडीलेनै मोईन अलीलाई फाफ डु प्लेसिसबाट बाउन्ड्रीलाईन नजिकै उत्कृष्ट क्याच गराउँदै ३ रनमा पेभिलिएन फकाए । ४८ ओभरको तेस्रो बलमा क्रिस वोक्स ठूलो शट खेल्ने धुनमा १३ रनमा क्याच आउट भए । लियाम प्लन्केट ९ र जोफ्रा आर्चर ७ रनमा अविजित रहे ।

दक्षिण अफ्रिकाका लागि लुन्गी निडीले १० ओभरमा ६६ रन खर्चेर ३ विकेट लिए । कागिसो रबाडा र इमरान ताहिरको नाममा समान २ विकेट रह्यो । त्यस्तै एन्डिले फेलुक्वायोले १ विकेट लिए ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.