काठमाडौं (हाम्रो खेलकुद) – राजधानीमा जारी प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत शनिबार त्रिभुवन आर्मी क्लब र नेपाल पुलिस क्लब किर्तिपुरस्थित टीयू अन्तर्राष्ट्रिय मैदानमा भिडेका थिए ।

खेलको २८ औं ओभरको दोस्रो बलमा हरिबहादुर चौहानले फाइन लेगतर्फ सट प्रहार गरे । आरिफ शेखले बाउन्ड्रीनिर उत्कृष्ट फिल्डीङ गर्दै विकेटकिपर दिलिप नाथसम्म राम्रो थ्रो गरे । दिलिपले पनि स्टम्पको बेल खसाले तर रोहितले फुल लेन्थ डाइभ हान्दै समयमा क्रिजभित्र पसे । तर यसो गर्ने क्रममा उनको छातीमा चोट लाग्न पुग्यो ।

पिचमा छाती धसारीएपछि उनले धुलाम्मे जर्सी उचाल्दै फिजियोलाई बोलाए । केहि बेरको उपचारपछि उनी खेल्न सक्ने भए र अम्पायरसँग अनुमति माग्दै नयाँ जर्सी लगाए । तर त्यसको दुई बलपछि नै रोहित ललितको बलमा बोल्ड भए ।

उनको डाइभ हानेदेखि उपचार हुँदै गर्दा र आउट भएपछि फोटोफिचर :

युवा ब्याट्सम्यान रोहितकुमार पौडेल यु-१९ राष्ट्रिय टोलीका कप्तान हुन् । उनले राष्ट्रिय टोलीबाट डेब्यु गर्दै अर्धशतक प्रहार गर्ने विश्वकै कान्छा खेलाडीको किर्तिमान आफ्नो नाम गरेका छन् । नियमित रुपमा फिटनेस प्रशिक्षणमा देखिने रोहित नेपाली क्रिकेटको भविष्यको रुपमा दरिएका छन् । उनले पछिल्लो समय घरेलु क्रिकेटमा गर्दै आएको प्रभावशाली प्रदर्शनको चौतर्फी प्रशंसा हुँदै आएको छ ।

रन लिएपछि डाइभ दिँदा चोट लागेको भिडियो :