काठमाडौं(हाम्रो खेलकुद)- नेपाली राष्ट्रिय क्रिकेट टोलीको मुख्य प्रशिक्षकमा भारतका उमेश पटवाल औपचारिक रुपमा नियुक्त भएका छन् । राष्ट्रिय खेलकुद परिषद (राखेप) ले शनिबार एक कार्यक्रमकाबीच पटवाललाई मुख्य प्रशिक्षकको रुपमा औपचारिक रुपमा नियुक्त गरेको हो ।
उनले यसअघि पनि नेपालको ब्याटिङ कन्सलट्यान्टको रुपमा काम गरेका थिए । सम्झौता राखेप सदस्यसचिब केशवकुमार बिष्ट र प्रशिक्षक पटवालबीच आदान प्रदान गरे । उनको मासिक तलव ७ हजार अमेरिकी डल रहेको छ । पटवालको तलब भत्ता लगायतको सम्पूर्ण खर्च आईसीसीले व्यहोर्नेछ । उनी जुन १० देखि टोलीको मुख्य प्रशिक्षक बन्नेछन् ।
यो सम्झौता अर्काे वर्षको १० जुनसम्म हुनेछ । घरेलु भूमिमा आगमी मंसिरमा आयोजना हुने दक्षिण एसियाली खेलकुद (साग)लाई केन्द्रित गरेर पटवाललाई मुख्य प्रशिक्षकको जिम्मेवारी दिइएको हो । यसअघि नेपाली टिम जगत टमाटाले हेर्दै आएका थिए । प्रशिक्षक पटवालले सुरुवातमा साग खेल्ने नेपालको यू–२३ टिम हेर्नेछन् । यसअघि पटवाललाई शुक्रबार नेपालको प्रशिक्षकको रुपमा घोषणा गरेको थियो ।
