7 years ago
June 2, 2019
काठमाडौं (हाम्रोखेलुकद) – काठमाडौंमा जारी तेस्रो संस्करणको प्रधानमन्त्री एक दिवसिय राष्ट्रिय क्रिकेट प्रतियोगितामा नेपाल पुलिस क्लवले प्रदेश २ लाई २ सय ५४ रनको लक्ष्य दिएको छ ।

आइतबार कीर्तिपुर स्थित टियु क्रिकेट मैदानमा टस जितेर पहिला ब्याटिङ थालेको पुलिसले निर्धारित ५० ओभरका ९ विकेटको क्षतिमा २ सय ५३ रन बनायो । पुलिसका लागि युवा खेलाडी अमित श्रेष्ठले सर्वाधिक ५० रनको योगदान दिए । ३८ ओभरको दोस्रो बलमा साम्सद शेखले राशिद खानबाट क्याच गराउनु अघि उनले ४२ बलमा ५ चौका र १ छक्का प्रहार गरे ।
ओपनर सुनिल धमला र अनिल कुमार शाहले पहिलो विकेटका लागि १९.३ ओभरमा ८७ रनको साझेदारी गर्दै पुलिसलाई राम्रो सुरुवात दिलाएका थिए । यी दुईबीचको साझेदारी साम्सद शेखले अनिललाई ३७ रनमा क्याच आउट गर्दै तोडे । अनिलले ५० बलमा २ चौका प्रहार गरे । २३ ओभरको तेस्रो बलमा कुमार थापाले बोल्ड आउट गर्नु अघि धमलाले ७७ बलमा ३ चौका सहित ४३ रनको योगदान दिएका थिए ।
दिपेन्द्र सिंह ऐरी १८,पवन सरार्फ १३ र दिलिप नाथ डक आउट भए । सागर ढकाल २,कप्तान मञ्जित श्रेष्ठ र ललित नारायण राजवंशी समान १ रन जोडे ।
तल्लोक्रममा आरिफ शेखले ४५ बलमा ३ चौका सहित ३२ रन जोडे । त्यस्तै कुशल भुर्तेलले ३२ बलमा ४ चौका र १ छक्का प्रहार गर्दै ३५ रन जोडेपछि पुलिसले बलियो योगफल तयार पारेको हो ।
प्रदेश २ का लागि साम्सद शेखले १० ओभरमा ४१ रन खर्चेर ४ विकेट लिए । राशिद खानले २,कुमार थापा,दिवान्सु मलिक र कप्तान महबुुब आलमको नाममा समान १ विकेट रह्यो ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । प्रतियोगितामा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम प्रदेशका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]