काठमाडौं (हाम्रो खेलकुद) – कान्तिपुर कलेज अफ म्यानेजमेन्ट एण्ड इन्फोरमेसन टेक्नोलोजी (केसीएमआईटि) ले एस इन्स्टिच्युट अफ म्यानेजमेन्टलाई ५८ रनले पराजित गर्दै थेम्स प्रिमियर लिग २०१९ को उपाधि जितेको छ ।
पहिलो ब्याटिङको निम्तो पाएको केसीएमआइटीले निर्धारित २० ओभरमा ९ विकेट गुमाउँदै १ सय ४४ रन जोडेको थियो । अमित राज कार्कीले सर्वाधिक ३१ रनको योगदान दिए । जवाफमा एसले सबै विकेट गुमाउँदै ८६ रन मात्र जोड्न सक्यो । निश्चल उपाध्यायले ४५ रन जोडेपनि जित दिलाउन सकेनन् । ह्याट्रिक लिएका सावन भण्डारी म्यान अफ द म्याच भए ।
एसका निश्चल उपाध्याय प्रतियोगिताको उत्कृष्ट खेलाडी र उत्कृष्ट ब्याट्सम्यान घोषित भए । केसीएमआईटीका सावन भण्डारी उत्कृष्ट बलर भए । विजयी खेलाडीलाई राष्ट्रिय क्रिकेट टोलीका सदस्य सोमपाल कामीले पुरस्कृत गरेका थिए ।
