एजेन्सी – एकदिवसिय विश्वकप क्रिकेट प्रतियोगिता अन्तर्गत शनिवारको दोस्रो खेलमा न्युजिल्यान्ड र अफगानिस्तान भिड्दै छन् । खेल नेपाली समय अनुसार साँझ ६:१५ देखि सुरु हुने छ ।
अंक तालिकाको शीर्ष स्थानमा रहेको न्युजिल्यान्ड लगातार तेस्रो र पुछारमा रहेको अफगानिस्तान पहिलो जितको खोजीमा छन् । न्युजिल्यान्डले पहिलो खेलमा श्रीलंकालाई १० विकेटले पराजित गर्दा बंगलादेशलाई २ विकेटले हराएको थियो । अफगानिस्तान पहिलो खेलमा अष्ट्रेलियासँग ७ विकेटले पराजित हुँदा श्रीलंकासँग ३४ रनले पराजित हुन पुगेको थियो ।
न्युजिल्यान्डसँग खेल्नु अघि अफगानिस्तानलाई ठूलो झड्का लागेको छ । अफगानिस्तानका ओपनर विकेटकीपर तथा विश्फोेटक ब्याट्सम्यान मोहम्मद शहजाद घाईते हुँदै विश्वकपबाट बाहिरिएका छन् । उनको स्थान १८ वर्षिय युवा खेलाडी इकराम अलिखीलले लिने छन् ।
