5 years ago
September 10, 2019
काठमाडौं (हाम्रो खेलकुद) – एसीसी यू-१९ एसिया कप अन्तर्गत समूह चरणको अन्तिम खेलमा नेपालले यूएईविरुद्ध औसत सुरुवात गरेको छ । नेपालले १६ ओभरको समाप्तिसम्म २ विकेट गुमाउँदै ६३ रन जोडेको छ ।
यूएईले टस जितेपछि नेपाललाई पहिलो ब्याटिङको लागि निम्त्याएको थियो । यूएईको त्यो निर्णय नेपालको लागि घातक सावित भयो । नेपालले दुवै ओपनर खाता नखोल्दै गुमाएको थियो । ओपनर रित गौतम इनिङको पहिलो बलमा नै क्याच आउट भएका थिए । मोहमद ताहिरको बलमा उनले अल्शन सरफुलाई क्याच थमाएका थिए ।
लगत्तै चौथो ओभरको पाँचौ बलमा नेपालको स्कोर ८ रन छँदा पवन सर्राफ पनि शून्यमा पेभेलियन फर्किए । उनी ११ बलको सामना गर्दै संचित शर्माको बलमा बोल्ड भए । त्यसपछि कप्तान रोहितकुमार पौडेल र आसिफ शेखले नेपालको इनिङ सम्हालेका छन् । दुवैले मिलेर ५५ रनको साझेदारी गरेका छन् ।
आसिफले ४६ बलमा ७ चौकासहित ३९ रन प्रहार गरेका छन् । रोहितले ३८ बलमा ३ चौका प्रहार गर्दै २१ रन जोडेका छन् । नेपाल र यूएई दुवै समूह चरणबाट बाहिरिसकेका छन् । यस समूहबाट श्रीलंका र बंगलादेश सेमिफाइनलमा प्रवेश गरेका छन् । यी दुईबीच पनि समूह विजेता छिनोफानो गर्न खेल हुँदैछ । बंगलादेशले पहिलो ब्याटिङ रोज्दै ७ ओभरमा २५-० को स्थितिमा छ ।
December 14, 2024
हिमाल खरेल, बिर्तामोड दोस्रो संस्करणको बर्खा स्मृति झापा जिल्ला अन्तरपालिका टि ट्वान्टी क्रिकेट प्रतियोगिताको उद्घाटन खेलमा भद्रपुर नगरपालिका र दमक नगरपालिकाले खेल्ने भएका छन् । आज प्रतिष्ठानको कार्यालय बुधबारेमा भएको पत्रकार सम्मेलनमार्फत खेल तालिका सार्वजनिक गरिएको छ । प्रतियोगितामा सहभागी झापाका १५ वटै पालिकाका प्रतिनधिबीच टाइसिट ड्र गरिएको प्रतिष्ठानका अध्यक्ष मदन प्रसाईंले जानकारी दिए । […]
December 14, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग (एनपिएल) को लिग चरणका अब ३ खेल बाँकी रहेको छ । आइतवार २ तथा सोमवार १ खेलसँगै एनपिएलको पहिलो संस्करणको लिग चरणका खेल सकिनेछ । बाँकी ३ मात्र खेलको नतिजाले प्लेअफमा पुग्ने ३ टोलीको टुंगो लाग्नेछ। त्यसका लागि दौडमा ४ टोली छन् । जनकपुर बोल्ट्सले प्ले अफमा […]
December 14, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्स पराजित हुँदा विराटनगर किंग्स तथा पोखरा एभेन्जर्स प्रतियोगिताबाट बाहिरिएका छन् । शनिवारको दोस्रो खेलमा चितवनले जनकपुरमाथि ३२ रनको जित हासिल गरेको हो । जितसँगै चितवनले प्लेअफ प्रवेशको सम्भावना बलियो बनाएको छ । चितवनको जितपछि पोखरा र विराटनगर प्रतियोगिताबाट बाहिरिएका हुन् । चौथो स्थानमा रहेको […]
