एजेन्सी – पाकिस्तानका तीब्र गतिका बलर हरिस रउफले ह्याट्रिक गरेपछि अष्ट्रेलियामा जारी बिग ब्यास लिगमा सिड्नी थन्डरले मेलबर्न स्टार्सलाई १ सय ४६ रनको लक्ष्य दिएको छ । टस हारेर ब्याटिङ थालेको सिड्नीले निर्धारित २० ओभरमा ५ विकेट गुमाउँदै १ सय ४५ रन बनायो ।

सिड्नीका विकेटकिपर म्याथ्यु गिल्क्सले ३५ बलमा १ चौका र २ छक्का सहित ४१ रनको योगदान दिए । कलुम फग्र्यसनले २७ बलमा ३ चौका र १ छक्का सहित ३५ रनको गोगदान दिए । तेस्रो विकेटका लागि फर्ग्यूसन र म्याथ्यु गिल्क्सले ८३ रनको साझेदारी गरेका थिए । ओपनर उस्मान खवाजा ३३ र एलेक्स हक्सले २६ रनको योगदान दिए ।

पाकिस्तानका तीब्र गतिका बलर हरिस रउफले अन्तिम ओभरको दोस्रो बलमा गिल्क्स, तेस्रोमा फर्ग्यूसन र चौथोमा डानिय स्याम्स लाई आउट गर्दै ह्यार्टिक पुरा गरेका थिए । हरिस रउफले ४ ओभरमा २३ रन खर्चेर ३ विकेट लिए । सन्दीप लामिछानेले ४ ओभरमा ३९ रन खर्चिदा कुनै विकेट लिन सकेनन् । एडम जम्पा र नाथन कुल्टर नाइलले १-१ विकेट लिए ।

सन्दीप सातौं ओभरको पहिलो बलमा उस्मान खवाजा र दोस्रो बलमा एलेक्स हल्सलाई १-१ रन दिए । एलेक्सले तेस्रो बलमा चौका प्रहार गर्दा चौथोमा २ रन लिए । पाँचौ डट र अन्तिम बलमा एक रन दिए ।११ औं ओभरमा सन्दीपले २ रन मात्रै खर्चिए । पहिलो बलमा म्याथ्यु गिल्क्स र चौथो बलमा कलुम फर्ग्यूसनलाई १-१ रन दिदा अन्य बल डट राखे ।

सन्दीपले १४ औं ओभरमा १० रन खर्चिए । गिल्क्सलाई पहिलो बलमा १ र दोस्रो बलमा कलुमले चौका प्रहार गरे । तेस्रो, चौथो र पाँचौ बलमा १-१ रन दिदा अन्तिम बलमा २ रन खर्चिए । १७ औं ओभरमा सन्दीपले १८ रन खर्चिए । पहिलो बलमा फर्ग्यूसनले चौका र दोस्रोमा छक्का प्रहार गरे । तेस्रो बलमा १ रन दिदा चौथोमा गिल्क्सले छक्का प्रहार गरे । पाँचौ बल डट र छैटौंमा १ रन दिए ।