एजेन्सी – इन्डियन प्रिमियर लिग (आइपिएल) २०२० को चौथो खेलमा चेन्नई सुपर किंग्सले राजस्थान रोयल्सविरुद्ध पहिला फिल्डिङ गर्ने भएको छ ।

शारजाह क्रिकेट स्टेडियममा भएको टसमा चेन्नईका कप्तान महेन्द्रसिंह धोनीले टस जितेर पहिला फिल्डिङ गर्ने निर्णय लिएका हुन् । चेन्नईले आजको खेलमा टोलीमा एक परिवर्तन गरेको छ । पुर्णरुपमा ठिक नहुदा मुम्बईविरुद्ध ७१ रन बनाएका आम्बाती रायुडूले टोलीमा छैनन्। उनको स्थानमा रुतुराज गायकवाडलाई मैदान उतारेको छ ।

राजस्थानले कप्तान स्टिभ स्मिथ सहित तिव्र गतिका बलर जोफ्रा आर्चर, अलराउण्डर टम करन र डेभिड मिलरलाई विदेशीखेलाडीको रुपमा खेलाएको छ । यू१९ विश्वकप र घरेलु क्रिकेटमा उच्च प्रर्दशन गर्दै आएका युवा स्टार यशस्वी जैसवाललाई डेब्यु गराको छ ।

चेन्नई लगातार दोस्रो जित निकाल्ने सोचमा छ । पहिलो खेलमा मुम्बई इन्डिन्सलाई ५ विकेटले पराजित गरेको चेन्नईको मनोबल उच्च छ । स्टिभ स्मिथ कप्तान रहेको राजस्थान पनि सुखद सुरुवात गर्न चाहन्छ ।

आइपिएलमा यी दुई टोलीबीच कुल २२ खेल भएका छन् । जसमा चेन्नई १४ खेलमा विजयी हुँदा ८ खेलमा पराजित भएको छ । गत वर्षको लिग चरणको दुबै खेलमा चेन्नई विजयी भएको थियो ।

चेन्नई प्लेइङ ११ : मुरली विजय, शेन वाटसन, फाफ डु प्लेसिस, रुतुराज गायकवाड, केदार जाधव, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, पियुष चवला र लुन्गी एनगिडी

राजस्थानको प्लेइङ ११ : रोबिन उथप्पा, यशस्वी जैसवाल, सन्जु स्यामसन, स्टिभ स्मिथ, डेभिड मिलर, रियान पराग, राहुल तेवतिया, टम करन, जोफ्रा आर्चर, श्रेयस गोपाल, जयदेव उनादकट