पल्लिकेले (एजेन्सी) – कप्तान डेभिड वार्नर श्रीलंकामा एक दिवसिय क्रिकेटमा शतक प्रहार गर्ने पहिलो अस्ट्रेलियन बनेको खेलमा घरेलु टोलीलाई ५ विकेटले हराउँदै अस्ट्रेलियाले पाँच एक दिवसिय क्रिकेट श्रृखंला ४–१ ले जितेको छ । अस्ट्रेलियाले ४३ बल अघि नै ५ विकेटको क्षेतिमा आवश्यक रहन जोडेको थियो ।
त्यसअघि टस जितेर ब्याटिङ गरेको श्रीलंका ४०.२ ओभरमा सबै विकेट गुमाएर १ सय ९५ रनमा सिमित भएको थियो । जवाफमा अस्ट्रेलियाले २५ रन बनाउँदा २ विकेट गुमाइसकेको थियो । तर त्यहाँबाट टोलीलाई अघि बढाउने क्रममा वार्नर तेस्रो विकेटका लागि जर्ज बेलीसँग १ सय ३२ रनको साझेदारी गरेपनि अस्ट्रेलियाले सहजै आफ्नो पक्षमा नतिजा पारेको थियो । ४३ ओभरको अन्त्यमा जोन हास्टिङले चौका प्रहार गरेपनि अस्ट्रेलियाले ५ विकेटको क्षेतिमा १ सय ९९ रन बनाएको थियो ।
‘कोसेढुंगा बनाउन सकेकोमा खुसी त लागेको छ । तर यो जितको श्रेय बलरहरुलाई जान्छ’ वार्नरले भने, ‘यहाँ आएर खेल्नु र पहिलो बलको सामना गर्नु सधै चुनौति पूर्ण हुन्छ । मध्यपक्तिमा आएर बेलीले उच्च प्रदर्शन गरे ।’ ५ खेलमा ६७.५ को औसतमा २ सय ७० रन बनाएका बेली प्लेयर अफ द म्याच चुनिए । श्रीलंकाका बलर खेलमा आक्रामक सुरुआत गर्ने क्रममा स्पिनर दिलरुवान परेराले म्याथु वाडेलाई ३ रनमा आउट बनाउँदा टोलीको स्कोर ११ थियो । परेरालेले ५.५ ओभरमा उस्मान ख्वाजालाई ६ रनमा आउट बनाएका थिए । परेराले नै वेलीलाई आउट गर्नुअघि वार्नरसँग महत्वपूर्ण साझेदारी गरेका थिए ।

वार्नरले १ सय २६ बल खेल्दै्र ९ चौकाका साथ १ सय ६ रन बनाएका थिए । बेन्लीले ७३ बलमा २ चौका साथ ४४ रन जोडेका थिए । पछिल्ला चार खेलमा वार्नरले जम्मा ३८ रन बनाएका थिए । उनी आइतबारको खेलमा स्पिनर धनन्जय डी सिल्भाको बलमा आउट भएका थिए । श्रीलंकाका परेरराले ३ विकेटका लागि ५१ रन खर्चे ।
श्रीलंकाका कार्यवहाक कप्तान दिनेश चन्डिमानलले कमजोर ब्याटिङका कारण हार्नु परेको बताए । ‘श्रृखंलाभर नै हाम्रो ब्याटिङ निराशजनक रह्यो’ उनले भने, ‘हामीसँग अनुभव र युवा खेलाडी छन् । तर पनि हामीले राम्रो गर्न सकेनौं ।’
अस्ट्रेलियान बल मिचेल स्टार्कले ३ तथा स्पिनरद्धय ट्रिभ्स हेड र एडम जाम्पाले समान २ विकेट लिएका थिए । श्रीलंकाका कुनै पनि खेलाडीले अर्धशतक पुरा गर्न सकेनन् । डि सिल्भा र धनुस्का गुनातिलकाले पहिलो विकेटका लागि ७३ रन साझेदारी गरेका थिए । गुनातिलकाले ३९, डि ल्सिाभाले ३४, कुशल मेन्डिसले ३३ र सचित पथिरानाले ३२ रन बनाएका थिए । श्रीलंकाले अन्तिम ७ विकेट गुमाउँदा ७४ रन जोडेको थियो । यी दुई टोलीबीच मंगलबार पहिलो ट्वान्टी–२० अन्तर्राष्ट्रिय क्रिकेट प्रतिस्पर्धा हुनेछ ।