कार्डिफ (एजेन्स)– सरफराज अहमद र सोहेव मलिकले चौथो विकेटका लागि १ सय ६३ रनको साझेदारी गरेपनि पाकिस्तानले पाँचौं तथा अन्तिम एक दिवसिय क्रिकेटमा इङ्ल्यान्डलाई ४ विकेटले हराएको छ। त्यो सान्त्वना जितले पाकिस्तान क्विन स्विप हुनबाट जोगियो । इङ्ल्यान्डले श्रृखंलाले ४–१ ले जितेको छ ।
अहमदले ७३ बलमा ९० र मलिले ८० बलमा ७७ रन बनाएपछि पाकिस्तानले ४८.२ ओभरमा ६ विकेट गुमाएर ३ सय ४ रन बनाएको थियो । पाकिस्तानले एसियाभन्दा बाहिर ३ सय भन्दा बढी रन बनाएको यो पहिलो पटक हो ।
मार्क उडले एकै ओभरमा दुई विकेट लिएपछि पाकिस्तानले ७७ रन जोड्दा तीन विकेट गुमाइसकेको थियो । तर, अहमद र मलिकले चौथो विकेटका लागि महत्वपूर्ण साझेदारी गरेपनि टोली बलियो अवस्थामा पुगेको थियो । पाकिस्तानका लागि हसन अलिले ४ र मोहम्मद आमिरले ३ विकेट लिएका थिए ।
‘हाम्रो लागि यो भ्रमण कठिन थियो त्यसैले हामी केही विशेषका साथ भ्रमणको अन्त्य चान्थ्यौं’ पाकिस्तानी कप्तान अजर अलिले भने, ‘हामीसँग केही युवा खेलाडी आएका छन् । इमाद वासिम, मोहम्मद नवाज र हसन अहिल । तर हामीले एकरुपताको प्रदर्शन गर्न आवश्यक छ ।’
जासन रोय र बेन स्टोक्सले चौथो विकेटका लागि ७२ रनको साझेदारी गरेका थिए । ओपनर रोयले ८७ र स्टोकले ७५ रन बनाएपछि इङ्ल्यान्डले पहिलो ब्याटिङ गर्दै ५० ओभरमा ९ विकेट गुमाएर ३ सय २ रन बनाएको थियो ।
‘हाम्रा खेलाडीको प्रदर्शनमा मलाई गर्व छ’इङ्ल्यान्डका कप्तान इयान मोर्गानले भने, ‘हामीले आजको खेल हार्यौ । तर पनि हामी अझै राम्रो गर्न सक्र्छौ । टे«न्ट ब्रिज अर्को स्तरमा खेलिरहेका छन् ।’
ब्रिजले १ सय ७१ बनाएको अघिल्लो खेलमा इङ्ल्यान्डले एक दिवसिय क्रिकेटमा कीर्तिमानी ३ विकेटको क्षेतिमा ४ सय ४४ रन बनाएको थियो ।
