काठमाडौं (हाम्रो खेलकुद) – नेपाल क्रिकेट संघ (क्यान) ले राष्ट्रिय क्रिकेट टोलीको छनोट समितिमा नेपाली क्रिकेटका पहिलो कप्तान उत्तम कर्माचार्यको संयोजकत्वमा छनोट समिति निर्माण गरेको छ ।
क्यानको मंसिर १५ मा बसेको बोर्ड बैठकले दुई समिति निमार्ण गरेको छ । जसमा नेपाली राष्ट्रिय क्रिकेट टोलीका पहिलो कप्तान उत्तम कर्माचार्यको संयोजकत्वमा छनोट समिति निर्माण गरेको जनाएको छ । त्यस्तै क्यानका उपाध्यक्ष राजुबाबु श्रेष्ठको संयोजक रहने गरि क्रिकेट समिति पनि निर्माण गरेको बोर्ड बैठकले जनाएको छ ।
समितिलाई पूर्णता भने दिइएको छैन । क्रिकेट समिति र छनोट समितिका अन्य सदस्यहरु संघको आगमी बैठकबाट थप गरिने जनाएको छ । क्यान निलम्बनसँगै राष्ट्रिय क्रिकेट टोलीको छनोट कप्तान, प्रशिक्षक र आइसीसीका प्रतिनिधित्वले गर्दै आएका थिए ।
पछिल्लो पाँच बर्षमा छनोट समिति विनानै नेपाली क्रिकेट टोली घोषणा हुँदै आएको छ । कर्माचार्य सन् १९९६ मा मलेसियामा भएको प्रथम एसिसी ट्रफि इलेट कप नेपालले पहिलो अन्तर्राष्ट्रिय खेलबाट औपचारिक सुरुवात गर्दा नेपाली क्रिकेट टोलीको कप्तानी गर्दै पहिलो कप्तान बनेका थिए ।
यो पनि : ‘नेपाली क्रिकेटको पहिलो कप्तान बनें’ – उत्तम कर्माचार्य
