5 years ago
December 2, 2020
एजेन्सी – भारतीय क्रिकेट टोलीका कप्तान विराट कोहली ११ वर्षपछि आफ्नो ओडिआई करिअरमा पहिलो पटक शतकविहिन बनेका छन् ।
कोहलीले सन् २००८ अगष्टमा श्रीलंकाविरुद्ध ओडिआईमा डेब्यू गरेका थिए । सन् २००८ देखि २०२० सम्म आउँदा कोहली ओडिआई क्रिकेटका एक सफल ब्याट्सम्यान बनेका छन् । वर्तमान समयका एक उत्कृष्ट ब्याट्सम्यान कोहलीले ११ वर्षपछि ओडिआईमा शतक बनाउन सकेनन् । कोहलीले सन् २०२० को अन्तिम ओडिआईको रुपमा अष्ट्रेलियासँगको तीन ओडिआई सिरिज खेलिसकेका छन् ।
क्यानबेरामा भएको तेस्रो ओडिआईमा कोहलीले बनाएको ६३ रन उनको सन् २०२० को अन्तिम इनिङ हो । ओडिआई क्रिकेटमा सचिन तेन्दुलकरपछि सर्वाधिक शतक प्रहार गर्ने कोहली सन् २००८ पछि २०२० मा पहिलो पटक शतकविहिन बनेका छन् । अन्य सबै वर्षमा कोहलीले शतक प्रहार गरेका थिए ।
कोहलीले पछिल्लो पटक गत अगष्टमा वेस्टइन्डिजविरुद्ध तीन ओडिआई सिरिजको दोस्रो र तेस्रो खेलमा लगातार पोर्ट अफ स्पेनमा १२० र ११४ रनको शतकीय इनिङ खेलेका थिए । त्यसयता कोहलीले ओडिआईमा शतक प्रहार गर्न सकेका छैनन् ।
ओडिआई क्रिकेट इतिहासकै सर्वाधिक शतक प्रहार गर्ने खेलाडी बन्न कोहलीलाई अब मात्र ७ शतकको आवश्यक पर्दछ । कोहलीले २ सय ५१ ओडिआईमा ४३ शतक प्रहार गरेका छन् । सचिनले ४ सय ६३ खेलमा ४९ शतक प्रहार गरेका छन् । कोहलीले सन् २००८ मा पाँच इनिङमा कुनै पनि शतक प्रहार गर्न सकेका थिएनन् ।
सन् २००९ मा ८ ओडिआई इनिङमा एक शतक प्रहार गरेका थिए । सन् २०१० मा २४ इनिङमा ३ शतक र २०११ मा ३४ इनिङमा ४ शतक प्रहार गरेका थिए । सन् २०१२ मा १७ इनिङमा ५ जोडेका थिए । सन् २०१३ मा ३० इनिङमा ४ शतक बनाएका थिए । सन् २०१४ मा २० इनिङमा ४ शतक प्रहार गरेका थिए । सन् २०१५ मा २० इनिङमा २ शतक हिर्काएका थिए ।
सन् २०१६ मा कोहलीले १० इनिङमा ३ शतक प्रहार गरेका थिए । सन् २०१७ मा २६ इनिङमा ६ शतक प्रहार हानेका थिए । सन् २०१८ मा १४ इनिङमा ६ शतक प्रहार गरेका कोहलीले २०१९ मा २५ इनिङमा ५ शतक बनाएका थिए । सन् २०२० मा ९ इनिङमा कुनै शतक प्रहार गर्न सकेनन् । कोहलीले अष्ट्रेलियामा तीन टि२० र चार टेष्ट सिरिजको पहिलो खेलपछि भारत फर्कनेछन् ।
पहिलो टि२० खेल शुक्रबार क्यानबेरामा, दोस्रो आइतबार र तेस्रो तथा अन्तिम टि२० खेल मंगलबार सिड्नीमा हुने छ । चार टेष्ट सिरिजको पहिलो खेल १७ डिसेम्बर देखि २१ सम्म एडिलेड ओभलमा चल्ने छ । कोहली र उनकी श्रीमती अनुष्का शर्मा जनवरीमा पहिलो सन्तानको बाबु आमा बन्दै छन् । जसको कारण कोहली पहिलो टेष्ट खेलेर भारत फर्किने छन् ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । प्रतियोगितामा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम प्रदेशका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
