एजेन्सी – नेपाली लेगस्पिनर सन्दीप लामिछाने बिग ब्यास लिग २०२०/२१ अन्तर्गत होबाट हुरिकेन्सले शनिबार खेल्ने मेलबर्न स्टार्सविरुद्ध टोलीमा उपलब्ध हुने भएका छन् ।

होबार्टले स्टार्सविरुद्ध उपलब्ध भएका सुरुवाती १७ खेलाडीको नाम सार्वजनिक गरेको छ । सन्दीप गत मंसिर ३० बिग ब्यास खेल्न अष्ट्रेलियातर्फ लागेका थिए । अष्ट्रेलिया सरकारको नियम अनुसार १४ दिन अनिवार्य क्वारेन्टाइनलमा बस्नुपर्ने हुन्छ । जसको कारण १४ दिनको क्वारेन्टाइनको बसाईपछि सन्दीप टोलीमा उपलब्ध भएका हुन् । सन्दीप होबार्टसँगै अभ्यासमा जोडी सकेका छन् ।

यस सिजनमा सन्दीपले सुरुवाती ६ खेल गुमाएका छन् । होबार्ट ६ खेलमा ४ मा जित र २ मा हार सहित तेस्रो स्थानमा छ । यसअघि दुई संस्करण स्टार्सबाट खेलेका सन्दीपले यस पटक भने होबार्टबाट खल्ने छन् ।

होबार्टबाट सुरुवात भने स्टार्सविरुद्धनै गर्नेछन् । होबार्टमा सन्दीपले प्लेइङ मा स्थान बनाउने बलियो सम्भावना छ । सन्दीप, मिचेल ओवेन, चार्ली वाकिम र निक विन्टर होबार्टको टोलीमा डेब्यूको पर्खाईमा हुने छन् । उक्त १७ खेलाडीबाट होबार्टले खेलमा प्लेइङ ११ घोषणा गर्ने छ ।

होबार्टको स्टार्सविरुद्ध उपलब्ध १७ खेलाडी : सक्ट बोल्यान्ड, जोहन बथा, टिम डेविड, नथान इल्स, पिटर ह्यान्डस्कोम्ब, कोलिन इनग्राम, सन्दीप लामिछाने, डविड मलान, बेन मक्डरमट, राइली मेरेडिथ, डविड मुडे, मिचेल ओवेन, विल परकेर, डार्सी सर्ट, चार्ली वाकिम, निक विन्टर र म्याकलिस्टर राइट ।