काठमाडौं (हाम्रो खेलकुद) – प्रदेश १ ले युवा आक्रामक ब्याट्सम्यान सिद्धान्त लोहनीको कप्तानीमा प्रधानमन्त्री कप राष्ट्रिय एकदिवसिय क्रिकेट प्रतियोगिताको लागि आफ्नो १४ सदस्यीय टोली घोषणा गरेको छ ।
चौथो संस्करणको प्रधानमन्त्री कप क्रिकेट माघ २ देखि १७ सम्म मुलपानी र टीयू क्रिकेट मैदानमा हुँदै छ । प्रदेश १ समूह ए मा छ । प्रदेश १ सँगै, त्रिभुवन आर्मी क्लब, एपिएफ क्लब, गण्डकी र कर्णाली छन् । समूह बी मा नेपाल पुलिस, सुदूरपश्चिम, लुम्बिनी, बागमती र प्रदेश नम्बर २ छन् ।
प्रदेश १ ले एपिएफसँग माघ ३ मा खेल्दै सुरुवात गर्ने छ । माघ पाँचमा प्रदेश १ ले मुलपानीमा गण्डकीसँग खेल्ने छ । मुलपानीमै माघ ७ मा आर्मी, माघ ९ मा कर्णालीसँग टीयूमा खेल्ने छ ।
प्रदेश १ को टोली : सिद्धान्त लोहनी (कप्तान), फ्रिदोस अन्सारी, मिनाश थापा, दीपक पासवान, राजन मगर, सुभनकर यूराउ, दीपेश कंडेल, श्रवण यादव, सोनु मन्डल, जोशक खड्का, विवेक मेहता, मनोज तामाङ, ज्ञानेन्द्र श्रेष्ठ र हेमन्त राई ।
