काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिता अन्तर्गत दोस्रो खेलमा विभागीय टोली एपिएफले प्रदेश एकविरुद्ध पहिला ब्याटिङ गर्ने भएको छ ।
टियु क्रिकेट मैदानमा टस जितेर प्रदेश एक का कप्तान सिद्धान्त लोहनीले पहिला बलिङ गर्ने निर्णय लिएका हुन् । एपिएफले आजको खेलमा अमर सिंह राउटेला, शंकर राना र रित गौतमलाई बेन्चमा राखेको छ । प्रदेश एकले विवेक मेहता, मनोज तामाङ र ज्ञानेन्द्र श्रेष्ठलाई बेन्चमा राखेको छ ।
एपिएफको टोली : शरद भेषावकर (कप्तान) , वसन्त रेग्मी, सुबास खकुरेल, प्रदीप ऐरी, सन्दीप जोरा, कमलसिंह ऐरी, सुमित महर्जन, किशोर महतो, भुवन कार्की, मोहम्मद आसिफ शेख र अभिनास बोहरा
प्रदेश एक को टोली : सिद्धान्त लोहनी (कप्तान), फिर्दोस अन्सारी, मिनाश थापा, दीपक पासवान, राजन मगर, सुभनकर यूराउ, दीपेश कंडेल, श्रवण यादव, सोनु मन्डल, जोशक खड्का र हेमन्त राई ।
