3 years ago
January 17, 2021
काठमाडौं (हाम्रो खेलकुद) – आर्मीले चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा लगातार दोस्रो जित निकालेको छ । आइतबार मुलपानी क्रिकेट मैदानमा भएको खेलमा आर्मीले कर्णालीलाई ८० रनले हराउँदै लगातार दोस्रो जित हात पारेको हो । जितका लागि १ सय ९६ रनको विजयी लक्ष्य पछ्याएको कर्णालीले ३३.३ ओभरमा १ सय १५ रनमा आल अल […]
काठमाडौं (हाम्रो खेलकुद) – आर्मीले चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा लगातार दोस्रो जित निकालेको छ ।
आइतबार मुलपानी क्रिकेट मैदानमा भएको खेलमा आर्मीले कर्णालीलाई ८० रनले हराउँदै लगातार दोस्रो जित हात पारेको हो । जितका लागि १ सय ९६ रनको विजयी लक्ष्य पछ्याएको कर्णालीले ३३.३ ओभरमा १ सय १५ रनमा आल अल आउट भयो । कर्णालीका कप्तान रविन्द्रजंग शाहीले ४२ बलमा ६ चौका सहित सर्वाधिक ३० रनको योगदान दिए । हेमन्त ओली १६ र दीनेश अधिकारीले १२ रन बनाउन बाहेक अन्यले राम्रो प्रर्दशन गर्न सकेनन् ।
विपिन रावल ७, निष्क्षल रावल ६, हिमान्शु शाही ३, दिवान पुन ९, राज शाह ८ र ललित प्याकुरेल ५ रनमा आउट भए । युनिस सिंह ६ रनमा अविजित रहे ।
आर्मीका स्पिनर सुशन भारीले ८.३ ओभरमा ३ मेडन सहित १९ रन खर्चेर ४ विकेट लिए । साहब आलमले १० ओभरमा १ मेडन सहित ४४ रन खर्चेर ३ विकेट लिए । रोहित पौडेलले २ र हरि चौहानले १ विकेट लिए ।
त्यसअघि मुलपानी क्रिकेट मैदानमा टस जितेर पहिला ब्याटिङ थालेको आर्मी ४३.१ ओभरमा १ सय ९५ रनमा अल आउट भएको थियो । आर्मीका ओपनर अनिल मण्डलले १ सय १४ बलमा १४ चौका सहित सर्वाधिक ८९ रनको योगदान दिए । कप्तान विनोद भण्डारीले ५५ बलमा ३ चौका र १ छक्का सहित ४१ रनको योगदान दिए ।
तेस्रो ओभरको तेस्रो बलमा दीनेश अधिकारीले विकेटकिपर राजु रिजाललाई हेमन्त ओलीबाट शून्यमा क्याच गराउँदै पहिलो सफलता दिलाएका थिए । अनुज चुनराले युवा ब्याट्सम्यान रोहित कुमार पौडेललाई नवौं ओभरको तेस्रो बलमा विपिन रावलबाट ११ रनमा क्याच गराउँदै दोस्रो सफलता दिलाए । रोहितले १८ बलमा १ चौका प्रहार गरे । १३ औं ओभरको पहिलो बलमा हरि चौहानलाई राज शाहले ७ रनमा क्याच गराउएपछि आर्मी ४२–३ को अवस्थामा पुगेको थियो ।
खराब सुरुवात गरेको आर्मीलाई अनिल र विनोदले चौथो विकेटका लागि १ सय १५ रनको शतकीय साझेदारी गर्दै इनिङलाई उकासेका थिए । तर ३४ औं ओभरको पहिलो बलमा दिवान पुनले विनोदलाई एलबिडब्लू आउट गरेसँगै कर्णाली खेलमा फर्किको थियो । लोकेश ६ बलमा २ छक्का प्रहार गर्दै १३ रनमा क्याच आउट भए । भिम सार्की र साहब आमलले खाता खोल्न सकेनन् । राजेश पुलामी १६ र सुशन भारी ४ रनको योगदान दिए ।
कर्णालीका दिवान पुन, राज शाह र दिनेश अधिकारीले २–२ विकेट लिए । रविन्द्रजंग शाही, अनुज चुनरा र युनिस सिंहले १–१ विकेट लिए । पहिलो खेलमा आर्मीले गण्डकीलाई ९८ रनले पराजित गरेको थियो ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]