3 years ago
January 18, 2021
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिता चौथो दिन पाँचौ खेलमा सुदूरपश्चिमले बागमतीविरुद्ध पहिला बलिङ गर्ने भएको छ । टियु क्रिकेट मैदानमा सुदूरपश्चिमका कप्तान सन्तोष भट्टले टस जितेर पहिला बलिङ गर्ने निर्णय लिएका हुन् । बागमतीले आजको खेलमा एक परिवर्तन गरेको छ । स्पिनर अरियो पौडेललाई बेन्चमा राख्दै बिपिन आचार्यलाई […]
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिता चौथो दिन पाँचौ खेलमा सुदूरपश्चिमले बागमतीविरुद्ध पहिला बलिङ गर्ने भएको छ ।
टियु क्रिकेट मैदानमा सुदूरपश्चिमका कप्तान सन्तोष भट्टले टस जितेर पहिला बलिङ गर्ने निर्णय लिएका हुन् । बागमतीले आजको खेलमा एक परिवर्तन गरेको छ । स्पिनर अरियो पौडेललाई बेन्चमा राख्दै बिपिन आचार्यलाई मौका दिएको छ । यता सुदूरपश्चिमले हेमन्त धामी, सुरज तिरुवा र नरेन्द्र साउदलाई बेन्चमा राखेको छ ।
बागमती लगातार दोस्रो जित निकाल्दै सेमिफाइनल यात्रा सहज बनाउन चाहान्छ । सुदूरपश्चिम विजयी सुरुवात गर्ने सोचमा छ । बागमतीले पहिलो खेलमा साविक विजेता पुलिसलाई ७ विकेटले हराउँदै उत्कृष्ट सुरुवात गरेको थियो ।
पुलिसलाई हराउन बागमतीमा स्पिनर तिलकराज भण्डारी र तीव्र गतिका बलर नन्दन यादवले ४–४ विकेट लिएका थिए । यी दुवै खेलाडी सुदूरपश्चिमलाई घातक बन्न सक्छन् । ब्याटिङमा पृथु बास्कोटाले ४८ रनको विजयी इनिङ खेलेका थिए । कप्तान ज्ञानेन्द्र मल्ल र पारस खड्का टोलीका प्रमुख ब्याटिङ हतियार हुन् ।
अरुण ऐरी, खडक बहादुर बोहरा र गजेन्द्र बोहरा शीर्षक्रमका ब्याट्सम्यान हुन् । युवा आक्रामक ब्याट्सम्यान किरण ठगुन्ना तल्लोक्रममा बागमतीलाई टाउको दुखाईका ब्याट्सम्यान बन्न सक्छन् । स्पिनर शेर मल्ल टोलीका प्रमुख हतियार हुन् । शेर तल्लोक्रममा राम्रो ब्याटिङको क्षमता पनि राख्ने गर्दछन् । बायाँ हाते स्पिनर विनोद लामा पनि घातक बन्न सक्छन् ।
बागमतीको प्लेइङ ११ : ज्ञानेन्द्र मल्ल (कप्तान), पारस खड्का, पृथु बास्कोटा, ईशान पान्डे, रामनरेश गिरी, दीपेश श्रेष्ठ, आकाश थापा, आदिल खान, बिपिन आचार्य, तिलकराज भण्डारी र नन्दन यादव
सुदूरपश्चिमको प्लेइङ ११ : सन्तोष भट्ट (कप्तान), अरुण ऐरी, खडक बहादुर बोहरा, गजेन्द्र बोहरा, सन्जु दमाई, किरण ठगुन्ना, अर्जुन सावद, विनोद लामा, शेर मल्ल, नारायण जोशी र भोजराज भट्ट ।
April 20, 2024
मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो । टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]
April 20, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]
April 20, 2024
मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले टस जितेको छ । नेपालका कप्तान रोहित पौडेलले टस जितेर ब्याटिङ रोजेका छन् । नेपालले युएई विरुद्ध सेमिफाइनल खेलमा हार बेहोरेको प्लेइङ-११मा कुनै पनि परिवर्तन नगरी सोही टोली उतार्ने भएको छ । नेपालको प्लेइङ ११: कुशल भुर्तेल, आसिफ शेख, रोहित पौडेल […]