default_image

3 years ago

January 19, 2021

सन्दीप र अनिल चम्कँदा लुम्बिनीको विजयी सुरुवात

काठमाडौं (हाम्रो खेलकुद) – स्पिनर अनिल खरेल र युवा ब्याट्सम्यान सन्दीप रजालीको उत्कृष्ट प्रर्दशनको सहयोगमा लुम्बिनी प्रदेशले प्रधानमन्त्री कप राष्ट्रिय एकदिवसिय क्रिकेट प्रतियोगितामा विजयी सुरुवात गरेको छ । लुम्बिनीले मंगलबार टियु क्रिकेट मैदानमा प्रदेश दुई लाई ७७ रनले पराजित गर्दै विजयी सुरुवात गरेको हो । जितका लागि २ सय ५८ रनको विजयी लक्ष्य पछ्याएको प्रदेश […]

24 views

0 Bookmark

काठमाडौं (हाम्रो खेलकुद) – स्पिनर अनिल खरेल र युवा ब्याट्सम्यान सन्दीप रजालीको उत्कृष्ट प्रर्दशनको सहयोगमा लुम्बिनी प्रदेशले प्रधानमन्त्री कप राष्ट्रिय एकदिवसिय क्रिकेट प्रतियोगितामा विजयी सुरुवात गरेको छ ।

लुम्बिनीले मंगलबार टियु क्रिकेट मैदानमा प्रदेश दुई लाई ७७ रनले पराजित गर्दै विजयी सुरुवात गरेको हो । जितका लागि २ सय ५८ रनको विजयी लक्ष्य पछ्याएको प्रदेश दुई ४२.४ ओभरमा १ सय ८० रनमा अल आउट भएको थियो । प्रदेश दुईका युवा अलराउन्डर बिवेक यादवले तल्लोक्रममा उत्कृष्ट ब्याटिङ गर्दै ४९ बलमा ३ चौका र ३ छक्का सहित सर्वाधिक ५१ रनको योगदान दिए ।

ओपनर सुधिर चौधरीले ७५ बलमा ३ चौका र १ छक्का सहित ४२ रनमा आउट भए । हरिशंकर शाह २२ र महबुब आलम ३१ रनमा आउट भए । अन्य ब्याट्सम्यानले दोहोरो अंकमा रन बनाउन सकेनन् ।

लुम्बिनीका युवा स्पिनर अनिल खरेलले १० ओभरमा २ मेडन सहित २९ रन खर्चेर ४ विकेट लिए । बिक्रम भुषाल र दीपेन्द्र रावतले २–२ विकेट लिए । कृष्ण कार्की र अमित तामाङले १–१ विकेट लिए ।

त्यसअघि टियु क्रिकेट मैदानमा टस जितेर पहिला ब्याटिङ रोजेको लुम्बिनीले ५० ओभरमा ९ विकेट गुमाउँदै २ सय ५७ रन बनाएको थियो । लुम्बिनीका युवा ब्याट्सम्यान सन्दीप रजालीले १ सय ७ बलमा ११ चौका सहित सर्वाधिक ८३ रनको योगदान दिँदै म्यान अफ द म्याच चुनिए । सौरभ खनालले ६४ बलमा ५ चौका र ३ छक्का सहित ५६ रनमा आउट भए ।

पाँचौ ओभरको दोस्रो बलमा सैफुल्लाह अन्सारी सन्दीप सुनारलाई ११ रनमा एलबिडब्लू आउट गर्दै पहिलो सफलता दिलाएका थिए । सन्दीपले ११ बलमा २ चौका प्रहार गरे । आठौं ओभरको पहिलो बलमा विकेटकिपर सुशान्त सिंह थापालाई दिव्यान्सु मलिकले ६ रनमा एलबिडब्लू आउट गरेका थिए ।

दशौं ओभरको दोस्रो बलमा प्रनित थापा मगर ८ रनमा क्याच आउट भएपछि लुम्बिनी ४२–३ को कमजोर अवस्थामा पुगेको थियो । चौथो विकेटका लागि सन्दीप रजाली र सौरभले ९५ रनको साझेदारी गर्दै इनिङ उकासेका थिए ।

विक्रम भुषाल ३८ बलमा ३ छक्का सहित ३६ रनमा रन आउट भए । कृष्ण कार्की १०, अनिल खरेल ६ र अमित तामाङले ११ रनको योगदान दिए । हरिशंकर शाहले १० ओभरमा ४८ रन खर्चेर ३ विकेट लिए । दिब्यान्सु मलिकले १० ओभरमा १ मेडन सहित ४५ रन खर्चेर २ विकेट लिए । सैफुल्लाह अन्सारी, कुमार थापा र विशाल शुश्लिङले १–१ विकेट लिए ।

लुम्बिनीले दोस्रो खेल बिहिबार पुलिससँग खेल्ने छ । प्रदेश २ ले शुक्रबार मुलपानीमा बागमतीविरुद्ध खेल्ने छ ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.