एजेन्सी – नेपाली अलराउन्डर सोमपाल कामीको उत्कृष्ट प्रर्दशनमा आबूधाबी टि१० लिगमा डेकन ग्याडियटर्सले मराठा अरेवियन्सलाई १ सय २१ रनको लक्ष्य दिएको छ ।

टस हारेर पहिला ब्याटिङ थालेको डेकनले १० ओभरमा ४ विकेट गुमाउँदै १ सय २० रन बनायो । डेकनका अनवार अली १२ बलमा ६ चौका र २ छक्का सहित ३९ रनमा अविजित रहे ।

प्रशान्त गुप्ताले १६ बलमा ४ चौका र २ छक्का सहित ३५ रनको योगदान दिए । विकेटकिपर यासिर कलिम १६ बलमा ३ छक्का र १ चौका सहित २८ रनमा क्याच आउट भए । यी दुबै ब्याट्सम्यानलाई सोमपालले आउट गरेका थिए ।

अजाम खान ४ रनमा प्रबिण ताम्बेको बलमा सोमपालबाट क्याच आउट हुन पुगेका थिए । सोमपाल कामीले २ ओभरमा १२ रन खर्चेर प्रमुख २ विकेट लिए । प्रबिण ताम्बे र सोहग गाजीले एक एक विकेट लिए ।

यस्तो रह्यो सोमपालको दुई ओभर

सोमपालले छैटौं ओभरमा दुई महत्वपूर्ण विकेट लिएका थिए । पहिलो बल प्रशान्तलाई डट राखेका सोमपालले दोस्रो बलमा एक रन दिए । तेस्रो बलमा कलिमलाई एक रन दिए । चौथो बलमा भने मोद्दासेक होसेनबाट भारतीय ब्याट्सम्यान प्रशान्तलाई क्याच गराउँदै महत्वपूर्ण सफलता दिलाएका थिए ।

पाँचौ बल कलिमलाई डट राखेका सोमपालले छैटौं बलमा भने अलिसान श्रफुलबाट क्याच गराउँदै एकै ओभरमा दुई महत्वपूर्ण सफलता दिलाएका थिए । सम्रग रुपमा सुरुवाती ओभरमा मात्र दुई रन खर्चेर प्रमुख २ विकेट लिन सफल भए ।

आठौं ओभरमा भने सोमपालले १० रन खर्चिए । पहिलो र दोस्रो बलमा अनवार अलीले सोमपाललाई लगातार चौका प्रहार गरेका थिए । त्यसपछि एक रन दिएका सोमपालले चौथो र पाँचौ बल भने डट राखेका थिए । अन्तिम बलमा एक रन दिँदै आफ्नो स्पेल सकाए ।

सोमपालको यो जारी टि१० लिगमा छैटौं खेल हो । यसअघि पहिलो खेलमा सोमपालले नर्थन वारियर्सविरुद्ध डेब्यू गर्दै २ ओभरमा २८ रन खर्चेका थिए । दिल्ली बुल्सविरुद्ध १७ र बंगला टाइगर्सविरुद्ध १२ रन खर्चेका थिए । कलन्दर्सविरुद्ध सोमपालले एक ओभरमा १९ रन खर्चेर १ विकेट लिएका थिए । टिम आबूधाबीविरुद्ध एक ओभरमा २७ रन खर्चेका थिए ।