एजेन्सी – इंग्ल्यान्डले भारतविरुद्धको पहिलो टेष्ट खेलमा पहिला ब्याटिङ गर्ने भएको छ । चेन्नईमा इंग्ल्यान्डका कप्तान जो रुटले टस जितेर पहिला ब्याटिङ गर्ने निर्णय लिएका हुन् ।

इंग्ल्यान्डले भारतविरुद्ध आफ्ना प्रमुख दुई तीब्र गतिका बलर मैदान उतारेको छ । पार्टटाइममा बेन स्टोक्स रहेका छन् । यता भारतले स्पिनर शहबाज नदिमलाई डेब्यू गराएको छ । भारत तीन प्रमुख स्पिनरका साथ मैदान उत्रने छ । इशान्त शर्मा र जस्प्रित बुमराह टोलीमा फर्किका छन् ।

अघिल्लो महिना प्रमुख खेलाडी विनानै अष्ट्रेलियामा चार टेष्ट सिरिज २–१ ले जितेको भारत उच्च मनोबलमा छ । दुई साता अघि श्रीलंकासँग दुई टेष्ट क्लिनस्विप गरेको इंग्ल्यान्ड पनि उत्कृष्ट प्रर्दशन गर्न चाहान्छ । इंग्ल्यान्डका कप्तान जो रुट उच्च लयमा छन् । करिअरको एक सय औं टेष्ट खेलेका रुटको प्रर्दशन निकै महत्वपूर्ण हुने छ ।

आइसिसी वल्र्ड टेष्ट च्याम्पियनसिपको फाइनलमा स्थान बनाउन यी दुबै टोलीलाई यस चार टेष्ट सिरिजमा उत्कृष्ट जित निकाल्नुपर्ने समीकरण बनेको छ । इंग्ल्यान्डलाई फाइनलमा पुग्न सिरिज कम्तिमा ३ खेल जित्नुपर्ने हुन्छ । भारतलाई २–०, २–१, ३–० ३–१ वा ४–० ले सिरिज जित्नुपर्ने हुन्छ ।

इंग्ल्यान्डलाई फाइनलमा पुग्न ३–१, ३–० वा ४–० ले सिरिज जित्नुपर्ने हुन्छ । अन्य नतिजा आएमा भने अष्ट्रेलिया फाइनलमा पुग्ने छ । न्युजिल्यान्ड फाइनलमा पुग्ने पहिलो टोली बनि सकेको छ । वल्र्ड च्याम्पियनसिप फाइनल आगमी जुनमा लर्ड्समा हुने छ ।

दुवै टोलीको प्लेइङ ११ :

भारत : रोहित शर्मा, सुभमन गिल, चेतेश्वर पुजारा, विराट कोहली (कप्तान), अजिक्या रहाने, ऋषभ पन्त (विकेटकिपर), वासिन्टन सुन्दर, रविचन्द्रन आश्विन, ईशान्त शर्मा, जस्प्रित बुमराह, शहबाज नदिम ।

इंग्ल्यान्ड : रोरी बर्न्स, डोम सिब्ले, ड्यान लरेन्स, जो रुट (कप्तान), बेन स्टोक्स, ओली पोप, जस बटलर (विकेटकिपर),डोमिनिक बेस, जोफ्रा आर्चर, ज्याक लेच र एम्स एन्डरसन ।