हाम्रो खेलकुद – भारत र न्युजिल्यान्डबीच जारि टेष्ट सिरिज अन्तर्गत तेश्रो टेष्टको दोश्रो दिन न्युजिल्यान्डले आफ्नो इनिंग्स सुरु गर्दा पाँच रन जोडिएको थियो।
धेरैलाइ कौतुहल भएको यो विषय भने अम्पाएरको निर्णयले गर्दा भएको थियो। भारतले ब्याटिङ्ग गर्न आउँदा रबिन्द्र जडेजाले डेन्जर जोनमा दुइपटक कुदेपछि अम्पाएरले भारतलाई पाँच रन पेनाल्टी लगाएका थिए। ट्रेन्ट बल्टले फलेको १६७औं ओभरको पाँचौ बलमा सिंगल लिन खोज्दा जडेजा दोश्रोपटक डेन्जर जोनमा कुदेका थिए।
२७ बलमा १७ रन बनाएका जडेजाले यसअघि पनि दोश्रो टेष्टमा चेतावनी पाएका थिए। नियमानुसार ब्याटिंग टिमको कुनै खेलाडीले दुइ पटक डेन्जर जोनमा कुदेपछि पाँच रन पेनाल्टी हुन्छ। बलरले सोहि गल्ति गरेमा भने सो इनिंग्समा उसले बलिंग गर्न पाउने छैन।
