हाम्रो खेलकुद – हंगकंगमा जारी आई.सी.सी. वोमन्स वर्ल्ड कप क्वालिफाइङ्ग सिरिज अन्तर्गत नेपालले बिहिबार हंगकंग संग खेल्दैछ।
नेपालले प्रतियोगितामा खेलेको तिन खेलमध्ये एकमा मात्र जित हात पारेको छ। चीनसँग २० रनले विजय भएको नेपालले सुरुका दुइ खेल हंगकंग र थाईल्याण्डसंग पराजित भएको थियो। दोश्रो चरणको खेल अन्तर्गत आज नेपालले हंगकंगसंग खेल्नेछ भने भोलि थाईल्याण्डसंग भिड्नेछ। नेपालले अन्तिम खेलमा चीनको सामना गर्नेछ।
पहिलो दुइ खेलमा ब्याटिङ्गमा केहि कमजोर देखिएको नेपालको प्रदर्शन तेश्रो खेलमा राम्रो रहेको थियो। टोलीबाट पहिलोपटक खेल्दै गरेकी निर्मला शाहीको प्रदर्शन उत्कृष्ट रहेको छ। निर्मलाले ६८ रन बनाउदै हालसम्म प्रतियोगिताको उच्च रन जोडेकी छिन् भने विकेट तर्फ पनि पांच विकेट लिदै दोश्रो नम्बरमा छिन्।
नेपाल अंक तालिकाको तेश्रो स्थानमा छ भने थाईल्याण्ड तिन जितका साथ् पहिलो स्थानमा छ। हंगकंग दोश्रो र चिन चौथो स्थानमा रहेका छन्।
